Тошкент давлат иқтисодиёт университети мавзу: Нобанк молия кредит муассасалари

Тошкент давлат иқтисодиёт университети мавзу: Нобанк молия кредит муассасалари

• Текширди:
• Бажарди: Алиқулов Асадбек Нурали ўғли

Марказий банк томонидан нобанк кредит ташкилотларини ташкил этиш, уларнинг фаолиятини амалга ошириш ҳамда микромолиялаш фаолиятини амалга ошириш соҳасидаги муносабатларни тартибга солиш мақсадида “Нобанк кредит ташкилотлари ва микромолиялаш фаолияти тўғрисида”ги қонун лойиҳаси ишлаб чиқилиб, www.regulation.gov.uz порталига муҳокама учун жойлаштирилди.
Мазкур қонун лойиҳаси Жаҳон банки мутахассислари билан ҳамкорликда ва илғор хорижий тажриба асосида тайёрланди ва унда микромолия ҳамда микрокредит ташкилотлари, ломбардлар, ипотекани қайта молиялаштириш, шунингдек, факторинг ташкилотларини ўз ичига олган нобанк кредит муассасаларини ташкил этиш ва уларнинг фаолиятини амалга ошириш тартиби белгиланган.
Шунингдек, қонун лойиҳасида лицензиялаш (ҳисоб рўйхатидан ўтказиш) жараёни, нобанк кредит ташкилотлари фаолиятини амалга оширишга қўйиладиган талаблар ва шартлар, шу жумладан, истеъмолчилар ҳуқуқларини ҳимоя қилиш ҳамда Марказий банкнинг ваколатларига доир масалалар ўз аксини топган.

Нобанк кредит ташкилотлари фаолиятининг ҳуқуқий базаси такомиллаштирилмоқда

Сўнгги йилларда мамлакатимизда молиявий хизматлар оммабоплигини ошириш ва аҳолининг асосий молиявий хизматларга бўлган эҳтиёжини қондиришга қаратилган қатор тадбирлар амалга оширилмоқда.

Хусусан, микромолиялаштириш соҳасини янада ривожлантириш учун қулай шарт-шароитлар яратиш мақсадида Ўзбекистон Республикаси Президентининг 2019 йил 23 июлдаги “Микромолиявий хизматлар оммабоплигини ошириш чора-тадбирлари тўғрисида”ги ПҚ–4400-сонли қарори қабул қилинди.

Ушбу қарорга мувофиқ, нобанк кредит ташкилотлари кўрсатадиган хизматлар доираси кенгайтирилди ва микромолиявий хизматлар ҳажми оширилди.

Бугунги кунда республикада 63 микрокредит ташкилоти ва 64 ломбард фаолият кўрсатмоқда. 2021 йилнинг 1 январь ҳолатига кўра, уларнинг активлари миқдори 1 010 млрд. сўмни ташкил этди ва бу кўрсаткич ўтган йилнинг шу даврига нисбатан 20 фоизга ўсиши таъминланди. Шу даврда кредит портфели 23,7 фоизга ўсиб, 935 млрд. сўмга етди.