Тошкент давлат иқтисодиёт университети И. Саифназаров, А. Мухтаров, Т. Султонов, Д. Эрназаров Илмий тадқиқот методологияси

10.1.1 –Чизма

1. 
   Фаннинг эркинлиги тамойили ( илмий ҳамжамиятдаги – академик ва етакчи олимлапр эътирофи).
   
2. 
   Фаннинг ички ишларига жамият аралашиши мумкин эмас.
   
3. 
   Фаннинг вазифаси воқеликни назарий акс эттириш.
   
4. 
   Фан жамиятнинг ишлаб чиқарувчи кучига айланиб боради.
   
5. 
   Фан методология вазифасини ҳам бажаради.
   
6. 
   Фан ва технологияларни ривожлантириш бир-бири билан боғлиқ.
   
7. 
   Иқтисодиётни инновацион ривожлантиришда академик илм-фаннинг ўзига хос ўрни бор.
   
8. 
   Фанда фундаментал тадқиқотлар етакчи ҳисобланади.
   
9. 
   Фан олимлари юқори малакали кадрлар тайёрлашда фаол иштирок этишлари учун имконият яратиш зарур.
   
10. 
    Фан ютуқларини ҳаётга жорий этишни фақат олимлар орқали амалга ошириш зарур.
    
11. 
    Ижтимоий нуқтаи назардан энг муҳим ва истиқболи порлоқ йўналишлар фақат мутахассис, профессионал олимларгина тўғри белгилашлари мумкин.
    

“Илм одамлари” – олимлар бутун дунё бўйлаб тарқалган ва бутун инсониятга тегишли.Улар бир-бирини қидиради, бир-бири билан алоқа қилади. Олимларнинг учрашувлари ва мулоқатини таъминлаш шакллари ҳар хил ном билан аталади- булар семинарлар ва конференциялар, симпозиумлар ва конгресслар. Бироқ мулоқатнинг энг қулай ва кенг тарқалган йўли- олимларнинг илмий асарларини эълон қилиш. Маҳфий ишловларни ҳисобга олмаганда, ҳар бир олим муаммога нисбатан ўз ёндашуви, эришишга ўз ҳаётини бағишлаган натижалари билан бутун дунёни таништиришга ҳаракат қилади.

2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясида ҳам илмий-тадқиқот ва инновация фаолиятини рағбатлантириш, илмий ва инновация ютуқларини амалиётга жорий этишнинг самарали механизмларини яратиш, олий ўқув юртлари ва илмий тадқиқот институтлари ҳузурида ихтисослаштирилган илмий-экспериментал лабораториялар, юқори технология марказлари ва технопаркларни ташкил этишга таълим ва фан соҳасини ривожлантиришнинг энг муҳим йўналишларидан бири сифатида алоҳида эътибор қаратилган.