Toshkent davlat iqtisodiyot

19.2.  Firma personali ichki marketing konsepsiyasining bosh tarkibiy 

qismi sifatida 

Har  bir  xodim  marketing  faoliyatida  ishtirok  etishi  lozim.  Bunda  personal 

ehtiyojlarini qondiradigan ish sharoitlari, uning atrof-muhiti, ish vaqtida olinadigan 

xizmatlar  yig‘indisi  yaratiladi.  Aynan  shular  xodim  ish  hayoti  davomida  oladigan 

foydani ifodalaydi. 

Firma  personali  uning  ikkinchi  ichki  maqsadli  bozori  sifatida  ham  ko‘rib 

chiqiladi.  U  segmentlanadi,  ajratilgan  har  bir  segmentning  ehtiyojlari  o‘rganiladi. 

Personalning ishchi ehtiyojlari tashqi iste’molchilarga sifatli xizmat ko‘rsatishning 

berilgan standartlari evaziga qondiriladi. 

Ichki marketing xodimlarning brendga sodiqlik darajasni aniqlashga yordam 

beradi, bu esa foyda va sotuv hajmini oshirishni rag‘batlantirishi mumkin. Bundan 

tashqari,  brendga  sodiq  xodimlar  o‘z  oilasi,  do‘stlari,  qo‘shnilari  va  boshqalar 

oldida  brend  uchun  kurashchilar  rolida  ishtirok  etish  uchun  sezilarli  salohiyatga 

ega  bo‘ladi.  Xodimlarning  brendga  sodiqlik  darajasi  ularning  o‘z  ishidan 

qoniqqanlik darajasi ko‘rsatkichi bo‘lib xizmat qilishi mumkin. 

Shuni  ham  e’tiborga  olish  kerakki,  xizmat  ko‘rsatish  sohasida  barcha 

xodimlar  marketing  funksiyalarining  katta  qismini  bajaradi.  Servis  industriyasi 

o‘ziga  xos  sanaladi,  chunki  xizmatchilar  mahsulotning  (xizmatning)  bir  qismini 

tashkil  qiladi.  Ular  o‘z  firmasi  va  u  ko‘rsatadigan  xizmatlarga  nisbatan  g‘ayratli 

munosabatda bo‘lishi kerak. Aks holda mijozlarni xizmatga qiziqtirishning imkoni 

bo‘lmaydi.  Tashqi  marketing  tadbirlari  mijozlarni  xizmatlar  sohasida  faoliyat 

yurituvchi  firmaga  olib  keladi,  ichki  marketing  tadbirlari  esa  xizmatning  iste’mol 

qiymatini  tasdiqlash,  xaridorni  to‘liq  qondirish  va  uning  doimiy  mijozga 

aylantirishga yo‘naltiriladi.  

---