Toshkent davlat iqtisodiyot

Savdo vakili  tovar taklifining bir qismi  sifatida. Birinchidan, savdo  vakilining 

eng  muhim  majburiyatlaridan  biri  mijozga  xarid  muammosini  aniqlashda  yordam 

ko‘rsatish  hisoblanadi.  U  mijozning  maqsadlariga  erishishga  u  yoki  bu 

tovarlar/xizmatlar  xarid  qilish  aynan  qanday  ta’sir  etishini  ko‘rsatishi  lozim. 

Ikkinchidan,  savdo  vakili  masalan,  kapital  asbob-uskunalar  xaridi  bilan  bog‘liq 

hollardagi kabi, mahsulotni o‘rnatish va unga texnik xizmat ko‘rsatish uchun javobgar 

bo‘lishi mumkin. Materiallar va OEM-mahsulotlar xarid qilishda savdo vakili mijozga 

asosan  mijozning  ishlab  chiqarish  jarayonini  tashkil  qilish  hamda  xarid  qilinadigan 

materiallar  va  detallarni  uning  ishlab  chiqarish  tizimiga  integratsiyalashga  yordam 

ko‘rsatadi,  jumladan,  zaxiralar  darajasini  nazorat  qilish  va  rejalashtirish  masalalarini 

hal  qilishga  yordam  beradi.  Bu  jihatlarning  barchasi  –  o‘rnatish,  maslahatlar,  texnik 

xizmat ko‘rsatish, ta’mirlash, shuningdek, zaxiralar darajasini rejalashtirish va nazorat 

qilish  «mijozlarga  sotuvdan  keyingi  xizmat  ko‘rsatish»  umumiy  nomi  ostida 

birlashtirilishi  mumkin.  Uchinchidan,  marketing  boshqaruviga  yo‘naltirilgan 

korxonada (bitim tuziga yo‘naltirilgan korxonadan farqli ravishda) savdo vakili ishlab 

chiqarish  korxonasida  mijozning  manfaatlarini  ifodalash  uchun  javob  beradi. 

korxonaning  mijozlarga  yo‘naltirilganligini  haqiqatda  ta’minlaydigan  marketing 

konsepsiyasining  asosiy  tamoyili  ana  shunday.  U  sanoat  mahsulotini  mijozning 

muayyan  ehtiyojlariga  moslashtirish  zarurligi  sharoitlarida  raqobatli  ustunlik  manbasi 

hisoblanadi.  savdo  vakilining  ta’siri  tor  texnik  ma’noda  mahsulot  ko‘rsatkichlarini 

aniqlash  bilan  chegaralanmasligi,  biroq  kreditlash  shartlari,  shartnomaning  turli 

bandlari,  ta’minotni  rejalashtirish  va  amalga  oshirish  kabi  tovarlar  va  xizmatlar  to‘liq 

taklifi  jihatlariga  aloqador  bo‘lishi  mumkin.  Bu  funksiya  sanoat  marketologi 

distribyutorni  o‘zining  mijozi  sifatida  ko‘rib  chiqadigan  vaziyatlarda  ayniqsa  muhim 

bo‘lib chiqishi mumkin. 

---