Toshkent davlat iqtisodiyot universiteti

Ikkinchi sabab - oziq-ovqat maxsulotlariga bo’lgan talabning yuqori
darajada o’zgaruvchanligi (moslashuvchanligi), ya’ni uning xajmi, tarkibi va
iste’moli axoli daromadlari bilan chambarchas bog’liqligidir. Iqtisodiy rivojlangan
mamlakatlarda axoli jon boshiga o’rtacha oziq-ovqat maxsulotlari iste’mol qilish
ilmiy asoslangan me’yorlarda va xatto ayrim sotsial guruxlarda undan yuqori
bo’lganligi uchun talab moslashuvchanligi darajasi 0,1-0,2 gacha pasayishi
mumkin. Rivojlanayotgan mamlakatlarda esa bu ko’rsatkich 0,8 gacha oshishi
mumkin. Oziq-ovqat maxsulotlariga bo’lgan talab tez o’sishi, bir tomondan,
axolining oziq-ovqat maxsulotlari bilan yetarli ta’minlanmaganligini, ikkinchi
tomondan-jamiyatdagi kuchli mulkiy tabaqalanish jarayonini ifoda etadi. Oxirgi
jarayon Rossiyaga ta’lluqli bo’lib yuqori daromadli oilalarga nisbatan past
daromadli oilalar go’sht maxsulotlari-1,5 marta, tuxum, mevalarga 2 marta baliq
maxsulotlariga 4 marta oz xarajat qiladi.