Toshkent davlat iqtisodiyot universiteti n. Q. Yo‘ldoshev, D. T. Yusupova sifat menejmenti toshkent – «iqtisodiyot» – 2019

 
Sifatni boshqarish tizimi va ISO 9000 seriyali xalqaro standartlarining mohiyati 
Sifat  menejmenti  tizimlarining  shakllanishi  va  rivojlanishi  –  XX  asrda  sifatni 
boshqarish  bilan  bog‗liq  g‗oyalarni  rivojlanishining  eng  muhim  nuqtasiga  aylandi. 
E.Demingni  ta‘kidlashicha,  ―Korxonalar  boshqaruvining  amaliy  tajribasini  nazariya 
yordamida  o‗rganib  chiqmagunga  qadar,  ularni  tushunmasdan  takrorlash,  befoyda 
bo‗ladi  va  bu  muvaffaqiyatga  olib  kelmaydi‖
1
.  ISO  9000  seriya  standartlarining 
1994-  yilgi  tahririda  sifat  menejmenti  tizimi  deb,  ―sifatni  yalpi  boshqarish  uchun 
zarur  bo‗lgan  tashkiliy  tuzilma,  usul,  jarayon  va  resurslar  yig‗indisi‖  tushunilgan. 
YAngi  ISO  9000:2000  standartida  sifat  menejmenti  tizimi  ―tashkilotga  rahbarlik 
qilish  va  uni  boshqarish  uchun  zarur  bo‗lgan  sifatni  boshqarish  tizimi‖  deb 
ta‘riflanadi.  Bu standartda  keltirilgan ba‘zi  atamalarni tahrir qilganda,  quyidagi fikr 
vujudga  keladi:  sifat  menejmenti  tizimi,  sifatga  oid  siyosat  va  maqsadlarni  ishlab 
chiqish  uchun  mo‗ljallangan  o‗zaro  bog‗liq  va  o‗zaro  harakatchan  elementlarning 
yig‗indisi  bo‗lib,  sifatni  boshqarish  yo‗nalishini  tanlash  uchun  birlashgan  faoliyat 
yordamida qo‗yilgan maqsadlarga erishishdir
2
.  
A.V. Glichevning fikriga ko‗ra, mahsulot sifatini boshqarish tizimi, bu ―kuch va 
mablag‗larni  minimal  darajada  sarflash  orqali,  iste‘molchining  ma‘lum  ehtiyoj  va 
talablari  qondirilishini  ta‘minlovchi  xususiyatlarni  mahsulotga  tatbiq  etish 
maqsadida, mahsulotni ishlab chiqarish, sotish, undan foydalanish va servis xizmatini 
                                                 
1
 Эдвардс Деминг и философия управления качеством. http://quality.eup.ru/MATERIALY/guru.htm 
2
 Государственный стандарт РФ ГОСТ ИСО 9000-2001 «Системы менеджмента качества. Основные положения 
и словарь». 

---

115 
ko‗rsatishda  ishtirok  etgan  boshqaruv  va  ijro  bo‗limlari  hamda  ayrim  shaxslarning 
o‗zaro  samarali  faoliyatini  tashkillashtirish  usulidir‖.  Albatta,  xorijiy  adabiyotlarda 
sifat tizimlariga berilgan ta‘riflar shu fikrlar bilan cheklanib qolmagan.        
Fikrimizcha,  turli  yondoshuvlar  tahlili  asosida,  sifat  menejmenti  tizimiga 
soddalashtirilgan  ta‘rifni  berish  ham  mumkin.  Ya`ni,  SMTni  tashkilotning  sifat 
borasidagi  o‗z  maqsadlarini  tuzishi  va  ularga  erishishi  uchun  zarur  bo‗lgan  o‗zaro 
aloqador elementlar yig‗indisi, deb atash mumkin.  
Xalqaro  standartlashtirish  tashkiloti  (Xalqaro  standartlashtirish  tashkiloti 
(International  Organization  for  Standartization  –  ISO,  ISO  –  xalqaro  standartlarni 
ishlab  chiqaruvchi  va  standartlashtirish  sohasidagi  hamkorlikni  amalga  oshiruvchi 
xalqaro  nodavlat  tashkilotidir.  U  1946-  yilda  25ta  mamlakat  vakillarining 
Londondagi  yig‗ilishida  ta‘sis  etilgan.  Unga  2006-  yili  dekabr  oyi    holatiga  164  ta 
mamlakatning  milliy  standartlashtirish  tashkilotlari  ISO  a‘zosidir.  Hozirgi  kunga 
qadar  ular  tomonidan  17000  dan  ortiq  turli  xalqaro  miqyosdagi  standartlar  ishlab 
chiqilgan, O‗zbekiston Respublikasi nomidan ISO vakili – O‗zbekiston Respublikasi 
‖O‗zstandart‖  agentligi  hisoblanadi).  SMT  uchun  mo‗ljallangan  ISO  9000  seriya 
standartlarining tarixi 1987- yildan, ya`ni uning birinchi tahriri nashr qilingan kundan 
boshlanadi.  ISO  9000  standartlarining  shakllanishi,  sifatni  boshqarish  jarayonlari 
rivojlanishining  mantiqiy  natijasi  bo‗ldi.  Bu  rivojlanish,  korxonalarning  umumiy 
boshqaruvi  doirasida  ayrim  elementlarning  tug‗ilishi  va  taraqqiy  etishidan  tortib,  to 
elementlarning  bir-biriga  singib  ketishi  va  sifatni  kompleks,  ya`ni  har  tomonlama 
boshqarishga o‗tishni ham qamrab oldi.  
ISO  9000  seriya  standartlari  qabul  qilingach,  sifatni  kompleks  boshqarishning 
ma‘lum darajasi belgilab berildi. U sifatni samarali boshqarishni ta‘minlab, ISO 9000 
seriyali  standartlarining  barcha  zarur  elementlari,  hamda  korxona  ixtisoslashuvi 
uchun qo‗shimcha talab etilgan elementlarni ham, korxonaning ish amaliyotiga joriy 
etilishi  kerakligini  shart  qilib  qo‗yadi  va  bu  bilan  buyurtmashiga  sifat    kafolatini 
beradi.  ISO  9000  standartlari  va  SMTni  joriy  etish  konsepsiyasi  korxonalarning  
faoliyat turiga ham, katta-kichikligiga cheklovlar qo‗ymaydi. 

---

116 
Ushbu  standart  muvaffaqiyatli  biznes  yuritishning  xalqaro  e‘tirof  etilgan 
usullarining  qisqacha  tasnifidir.  U  muvofiqlik  sertifikatini  olish  uchun  bajarilishi 
zarur bo‗lgan minimal talablar shaklida bayon etilgan
3
. 
ISO standartlari turkumining universalligi shundaki, ularda har bir mahsulot va 
xizmatlarning  har  bir  turiga  bo‗lgan  mutlaq  o‗lchovli  mezonlar  qo‗yilmaydi 
(masalan,  mahsulotning  texnikaviy  ko‗rsatkichlari  talabi).  Buning  iloji  ham 
bo‗lmasdi,  chunki  sifat  –  mahsulot  va  xizmatlarning  insonlar  ehtiyojlarini  qondira 
olish  xususiyati,  inson  ehtiyojlari  esa  –  bitmas-tuganmas  va  o‗zgaruvchandir.  ISO 
9000  standartlari  turkumi  faqat  sifat  tizimining  ishlashi  metodologiyasini  aniqlab 
beradi, tizim esa o‗z navbatida korxona tomonidan ishlab chiqariladigan mahsulot va 
xizmatlarning  yuqori  sifatini, boshqacha qilib  aytganda – iste‘molchilarning  talabini 
yuqori darajada qanoatlantirishini ta‘minlaydi. 
  1987-  yil  9000 seriyali ISO  standartlarining beshtasi nashr  etilgan:  ISO 9000, 
ISO  9001,  ISO  9002,  ISO  9003  va  ISO  9004.  1986-  yilda  esa,  sifat  ta‘minoti 
sohasidagi  ISO 8402  atama  va tushunchalarning uch tildagi lug‗ati  ishlab  chiqilgan. 
ISO 9000 standarti esa, 9000 seriyali ISO standartlaridan qaysisini tanlash va qanday 
qo‗llash  bo‗yicha  yo‗riqnomani  o‗z  ichiga  olgan.  ISO  9001,  ISO  9002,  ISO  9003 
standartlari  (―sifatni  ta‘minlash  modellari‖,  deb  ham  ataladi)  mahsulot  hayotiy 
siklining  turli  bosqichlari  uchun  mo‗ljallangan,  sifat  tizimiga  qo‗yilgan  me‘yoriy 
talablardan iborat bo‗lib, mahsulot ishlab chiqaruvchining sifat tizimini baholashning, 
shu jumladan, bu tizimni sertifikatlashning me‘yoriy bazasi bo‗lgan: 
-  ISO  9001.  To‗liq  ishlab  chiqarish  jarayonining  sifat  tizimi  –  yangi  turdagi 
mahsulotlarni  loyihalash,  ishlab  chiqarish  va  sotishdan  tortib,  tayyor  mahsulotga 
texnik xizmat ko‗rsatishni o‗z ichiga oladi;  
-  ISO  9002.  Loyihalashtirishni  o‗z  ichiga  olmagan  ishlab  chiqarish  jarayoni 
uchun, ya`ni, an‘anaviy mahsulotni chiqarish uchun mo‗ljallangan sifat tizimi; 
                                                 
3
 ИСО 9001 Разработка, внедрение, сертификация, улучшение системы менеджмента качества. Практическое 
руководство для специалистов по качеству. С-Петербург. ООО ―Издательство Форум  Медиа‖, август 2006 г., 
1.3-банд,  

---

117 
-  ISO  9003.  Faqat  tayyor  mahsulot  nazoratini  amalga  oshiruvchi  tashkilotlarga 
(ishlab chiqarish jarayoni bunga kirmaydi) mo‗ljallangan sifat tizimi, masalan: savdo 
tashkilotlari va vakolatxonalari;  
ISO  9001  modeli  eng  umumiy  bo‗lib,  boshqa  ikki  sifat  modellarining  ham 
talablarini  o‗z  ichiga  olgan.  ISO  9004  standarti  sifat  tizimiga  bo‗lgan  talablarni 
izohlovchi yo‗riqnomalardan iborat bo‗lib, korxonada sifat tizimlarini ishlab chiqish 
va joriy etish uchun mo‗ljallangan.  
2000-  yil  15-  dekabrda  9000  seriyali  ISO  standartlarining  yangi  tahriri  rasman 
nashr etildi. Standartlar to‗plami endi 4 ta asosiy standartdan iborat: 
1.  ISO 9000:2000 ―Sifat menejmenti tizimlari. Asosiy qoidalar va lug‗at‖ – sifat 
menejmenti tizimlarining asosiy qoidalari va SMT atamalarini izohlaydi. 
2.  ISO 9001:2000 ―Sifat menejmenti tizimlari. Talablar‖ – sifat tizimlari uchun 
minimal  zarur  bo‗lgan  talablar  majmuini  joriy  qilib,  sertifikatlash  va  audit 
maqsadlarida qo‗llaniladi. 
3.  ISO  9004:2000  ―Sifat  menejmenti  tizimlari.  Faoliyatni  yaxshilash  bo‗yicha 
tavsiyalar‖  -  korxonalarning  samaradorligini  oshirishga  qaratilgan  sifat  menejmenti 
tizimlarini yaratish bo‗yicha uslubiy ko‗rsatmalardan iborat. 
4.  ISO 19011 ―Sifat menejmenti tizimini tekshirish va atrof-muhitni himoyalash 
bo‗yicha yo‗riqnomalar‖.  
Standartlarning  avvalgilaridan  farqi  shundaki,  endi  SMTning  talablari 
korxonalarning turi bo‗yicha ajratilmaydi: avvalgi tahrirlardagi ISO 9001, 9002, 9003 
standartlari yagona ISO 9001:2000 miqyosida jamlangan.  
 
Standartlarni qayta ko‗rib chiqishda ishchi guruhlar bozor talablariga muvofiq 
holda quyidagi vazifalarni bajarishni maqsad qilib qo‗yadilar: 

 Standartlarda  ularni  qo‗llashning  ilg‗or  amaliy  tajribalarini  aks  ettirishni 
ta‘minlash; 

 Standartlarning muvofiqligi va stabilligini ta‘minlash; 

 Ularning  katta-kichikligi,  qaysi  tarmoqqa  tegishli  ekanligi,  qanday  mahsulot 
ishlab  chiqarilishidan  qat‘iy  nazar  kompaniyalar  tomonidan  standartlarning 
qo‗llanishiga imkon berish. 

---

118 
ISO 9000 seriyasidagi standartlarga o‗zgarishlar kiritildi. ISO 9001, ISO 9002, 
ISO  9003  standartlari  qayta  ko‗rib  chiqildi.  ISO  9004  standartlariga  kamroq 
o‗zgarishlar kiritildi. Masalan, «Sifat xalqasi» tushunchasi «Mahsulot hayot siklining 
tipik  bosqichlari»  tushunchasi  bilan  almashtirilib,  «Texnikaviy  yordam  va  xizmat 
ko‗rsatish»  bosqichidan  keyin  qo‗shimcha  sotilgandan  keyingi  faoliyat»  qo‗shildi. 
hozir  oltinchi  bo‗lim  «Sifat  sistemasining  moliyaviy  aspektlari»  deb  ataladi  va 
moliyaviy  ma‘lumotlar  elementlarini  namoyon  qilish  va  tahlil  qilish  uchun 
ma‘lumotlar to‗plashning turli usullari qisqacha tavsifi bilan to‗ldirilgan.  
  ISO 9000 seriya standartlari mohiyatini ko‗rsatuvchi kamida uchta asosiy