Toshkent davlat agrar unversiteti termiz filiali

Ish bo’yicha hisobotda:
Ishning maqsadi, kerakli jihozlar, berilgan topshiriqlar, ishning bajarish tartibi bo’yicha aniqlangan ma’lumotlarga asosan 20-rasmda ko’rsatilgan nomogrammalar chiziladi hamda bajarilgan hisoblar va olingan natijalarga ko’ra xulosa beriladi.
Nazorat savollari:

1. 
   Agregatning ekinzorga ishlov berishdagi qamrov kengligi qanday omillarga bog’liq?
   
2. 
   Qanday maqsadda rezervuar ichiga gidroaralashtirgich o’rnatiladi?
   
3. 
   Qanday maqsadda kimyoviy modda eritmasini ekinzorga maydaroq zarrachalarga parchalab purkash ma’qul hisoblanadi?
   
4. 
   Purkagichni rostlashda nima uchun agregatning ishchi tezligi e’tiborga olinadi?
   
5. 
   Nima sababdan issiq havo va kuchli shamol esib turgan vaqtda eritmani purkash tavsiya qilinmaydi?
   

11-Laboratoriya ishi
Paxta terish apparatining agrotexnik ko’rsatgichlarini aniqlash
Ishning maqsadi: Vertikal shpindelli paxta terish apparatining texnologik jarayonini baholaydigan agrotexnik qo’rsatkichlarni aniqlash va ularni tahlil qilish ko’nikmalarini berish.
Kerakli jihozlar:Vertikal shpindelli paxta terish apparati o’rnatilgan elektr yuritmali laboratoriya qurilmasi; paxtasi terilmasdan o’rib olingan g’o’zapoyalar, tarozi, paketlar, chilangarlik asboblari.
Paxta terish mashinasining ish sifatini yuqori bo’lishi birinchi navbatda terish apparatini agrotexnik ko’rsatgichlarini yuqori bo’lishiga bog’liq.
Paxta terish apparati texnologik ish jarayonining agrotexnik ko’rsatgichlari maxsus laboratoriya qurilmasida (21-rasm) aniqlanadi.
Qurilmaga vertikal shpindelli paxta terish apparati o’rnatiladi va uningbarcha ishchi qismlari ishlab chiqaruvchi zavodning ko’rsatmasi asosida sozlanadi.
Apparat barabanlari orasidagi terish kamerasi ostidagi yerga uzunligi 5,7…6,0 metr bo’lgan nov 1 joylashgan. Apparat old, ya’niA tomonidagi nov ichiga uzunligi l_r=1,6...1,8 m bo’lgan yog’och reyka 2 qo’yilgan. Reyka 2 da har 15 sm oraliqda teshik (uya)lar yasalgan, ularga tayyorlab qo’yilgan paxta tublari bandi tiqib qo’yiladi. Nov 1 ning ikkinchi, V uchiga elektrdvigatel 14 yordamida aylantiriladigan tortgichning tros o’ragich barabani 13 qo’yilgan bo’lib, tros 19 uni apparat oldA tomoniga qo’yilgan reyka bilan ulaydi.
Apparatni ishga tushirish uchun elektrodvigatel va ikki pog’onali reduktor qo’yilgan bo’lib, reduktorning birinchi pog’onasi ishlatilsa, shpindelli baraban n_b=105...110 aylg’min, ikkinchi pog’onasi ishlatilsa, baraban n_b =75...80 aylg’min tezligi bilan aylanadi. Reduktor va tortgichni ishga tushiradigan elektrdvigatellar bir-biriga bog’liq bo’lmagan holda alohida boshqariladi.
G’o’zapoyalar apparat barabanlari o’rtasidagi terish kamerasi (TK) dan o’tayotganida, ulardagi paxtani boshqa tasma 4 yordamida baraban 6 ga teskari yo’nalishda aylanayotgan shpindellar o’z sirtiga o’rab, ya’ni terib oladi. Terilgan paxtani shpindellar (baraban bilan birgalikda aylanishi hisobiga) ajratish zonasiga keltiradi.