Toshkent davlat agrar unversiteti termiz filiali

Nazorat savollari:
1. Boshoqli don hosilini yig’ib-terib olishda qanday turdagi g’alla kombaynlari qo’llaniladi? Ularning afzalliklarini ayting.
2. G’alla o’rimiga qo’yiladigan agrotexnik talablarni ayting va ularning asosiy mohiyatini tushuntirib bering.
3. Donlarni dastlabki (birlamchi) tozalashdan maqsad nima?
4. Donning qaysi ko’rsatgichlari bo’yicha tozalash teshikli g’alvirlarda amalga oshiriladi?
5. Donni havo yordamida tozalashda uning qaysi ko’rsatgichi asosiy qilib olinadi?
6. Donni shakliga qarab tozalash ishlari qaysi turdagi g’alvir bilan bajariladi?


11 - Amaliy ish
Kartoshka kovlash mashinalari va meva hosilini yig’ib olish mashinalarining turlari ,vazifasi,tuzilishi va texnologik ish jarayonlari.


1. Ishning maqsadi: Kartoshka yig’ishtirish usullari va agrotexnik talablar, mashinalarni tuzilishi, ishlash jarayoni va uni ishga tayyorlash tartiblari bo’yicha ko’nikmalar berish.
2. Kerakli jihozlar: Kartoshka yig’ish mashinasi, ko’rgazmali qurollar, o’quv filmlari.
3. Ishni tashkil etish tartibi:
Kartoshka hosilini yig’ishtirib olishda quyidagi: bir fazali (kombayn bilan to’g’ridan-to’g’ri), ikki fazali (alohida-alohida mashinalar bilan) va qurama (aralash) usullardan foydalaniladi.
Bir fazali usul ikki variantda: 1) tuganaklar va poyalarni bir vaqtda yig’ishtirib olish; 2) vaqt bo’yicha navbatma-navbat bajarilishi mumkin.
Birinchi variantda kombayn kartoshka va tuproqni kovlab oladi, ildiz va tuganaklarni poyasidan ajratadi, tozalaydi va ularni alohida bunkyerlarga yig’adi.
Ikkinchi variantda kartoshkani kovlab olishdan oldin uning poyalari mexnik ( kesish, maydalash) va kimyoviy usulda yig’ishtirib olinadi.So’ngra 2-15 kun o’tgach tuganaklar kovlab olinadi.
Ikki fazali usulda kartoshka poyasi bilan birgalikda kovlab olinadi va tuproq yuzasiga tashlab ketiladi. Kartoshka poyasi qurib tuganaklardan ajragandan so’ng ular yig’ib olinadi, tozalanadi va saqlash joylariga yuboriladi..