Toshkent davlat agrar universiteti termiz filiali agrobiologiya fakulteti

Hayot kechirishi. Komstok qurti po’stloq tangachalari ostida, daraxtlarning kovagida, o’simlik ildizlarida, xazon orasida, devor yoriqlarida tuxumlik stadiyasida qishlaydi. Urg’ochi hasharot tuxum qo’yish paytida mo’msimon oq par chiqaradi. Tuxumlar shu oq pardaning ichida to’p-to’p bo’lib turadi.

Lichinkalar tut daraxtining kurtaklari bo’rta boshlaganda, martning ikkinchi yarmi aprel boshlarida tuxumdan chiqa boshlaydi.

Komstok qurti o’simlikning hamma qismlarini, tanasi, poyalari, shoxlari, barglari, mevalarini so’radi. Bu zararkunanda uchta lichinkalik yoshini o’taydi, ikkinchi yoshdagi lichinka po’st tashlagandan keyin urg’ochisi tinchlik davriga kiradi.

Komstok qurti taxminan bir yarim oyda bir nasl beradi. YOz bo’yicha uchta nasl beradi.

Urg’ochisi so’nggi po’st tashlashdan 10-30 kun keyin tuxum qo’ya boshlaydi. Hasharotning birinchi nasli odatda 200-250 ta, ikkinchi nasl 250 ta, uchinchi nasli 200 ta tuxum qo’yadi.(1,2)

Birinchi yoshdagi lichinkalar chiqqan joyidan xar tomonga o’rmalab ketsa ham, qurt daraxtning bir shoxi yoki qo’shni shoxlari doirasidagi yaqin masofadagina aktiv harakatlana oladi xolos. YAngi o’simliklarga asosan passiv yo’l bilan: tut ko’chati, bargi, transport vositalari, kiyim-kechak, sabzavot hamda mevalar bilan ham tarqalishi mumkin.