Toshkent davlat agrar universiteti sayyora xolmirzayeva

Tarjimayi hol yozish qoidalari
Ma’lum bir shaxs tomonidan o‘z shaxsiy hayoti va faoliyati haqida bayon qilingan yozuv. Tarjimayi hol bir xil andozaga ega emas, mufassal yoki muxtasar yozilishi mumkin. U muallif tomonidan mustaqil tuziladigan hujjatdir. Garchi u erkin (ixtiyoriy) tuzilsa-da, biroq tarjimayi holda ayrim qismlarning bo‘lishi shart.
Tarjimayi holning asosiy zaruriy qismlari:

1. 
   Hujjatning nomi (Tarjimayi hol).
   
2. 
   Matn:
   

a) muallif familiyasi, ismi va otasining ismi;
b) tug‘ilgan yil, kun, oy va tug‘ilgan joyi;
v) millati, ijtimoiy kelib chiqishi;
g) ota-onasi haqida qisqacha ma’lumot (familiyasi, ismi va otasining ismi, ish joyi);
d) ma’lumoti (qayerda, qanday o‘quv yurtini tugatganligi va ma’lumotiga ko‘ra mutaxassisligi);
e) ish faoliyatining turlari;
yo) oxirgi ish joyi va lavozimi;
z) jamoat ishlarda ishtiroki;
i) oilaviy ahvoli va oila a’zolari ;
y) pasport ma’lumotlari;
k) turar joyi (uy adresi), telefoni.

3. 
   Sana.
   
4. 
   Imzo.
   

Tarjimayi hol namunasi

TARJIMAYI HOL Men, Salimov Karim Olimovich, 1996-yil 28-sentabrda Toshkent shahrida, xizmatchi oilasida tug‘ildim. Otam – Salimov Olim Oripovich Toshkent pedagogika bilim yurtida o‘qituvchi, onam – Rahimova Gulnora Azimovna 282-maktabda o‘qituvchi bo‘lib ishlaydilar. 2003-yildan 2012-yilgacha Toshkent shahridagi 282-umumiy o‘rta ta’lim maktabida o‘qidim. 2012-2015-yillarda Toshkent davlat jahon tillari universiteti akademik litseyida tahsil oldim. 2015-2016-yillarda armiya safida haqiqiy xizmatni o‘tab qaytgach, 2016-yilda Toshkent davlat agrar universitetining iqtisodiyot fakultetiga o‘qishga kirdim. 2020-yilda shu institutni imtiyozli diplom bilan tugatib, iqtisodchi mutaxassisligiga ega bo‘ldim. Yo‘llanma bilan Toshkent shahar Sirg‘ali tuman hokimiuyati statistika bo‘limiga ishga qabul qilindim. Dastlab hisobchi lavozimida, 2021-yildan buyon bosh hisobchi lavozimida ishlayapman. 2020-yildan O‘zbekiston Respublikasi Xalq demokratik partiyasi a’zosiman. Uylanganman. Xotinim – Rasulova Muhabbat, 1998-yilda tug‘ilgan. 5-shahar kasalxonasida hamshira bo‘lib ishlaydi. O‘g‘lim – Salimov Nodir, 2018-yilda tug‘ilgan. Qizim – Salimova Lola, 2020-yilda tug‘ilgan. Mening turar joyim: 700210, Toshkent, Usmon Nosir ko‘chasi, 5-uy, 27-xonadon. Tel.: [phone] 18.02.2022 y. (imzo) K.Salimov

5. 
   Lug‘at haqidagi ma’lumotni oʻzlashtiring.