Toshkent davlat agrar universiteti sayyora xolmirzayeva

Referat ustida ishlash bo‘yicha yo‘riqnoma

1. Mavzuning tanlanishi
Taklif qilingan referatlar mavzulari namunaviy bo‘ladi. Siz o‘zingizning qiziqishlaringiz va mayllaringizga mos keladigan mavzuni tanlashga mustaqil yondashishingiz maqsadga muvofiq. Siz o‘z qiziqishlaringiz doirasi asosida tanlangan muammoga amal qilib va uni asoslash bilan kafedra tavsiya qilgan mavzular ro‘yxatiga kirmagan referat mavzusini taklif qilishingiz ham mumkin. Bunday vaziyatda taklif qilayotgan referat mavzusini ilmiy rahbaringiz bilan albatta kelishib olishingiz kerak bo‘ladi.
2. Tayyorgarlik ishlari:
Asosiy manbalarni o‘rganish Siz referat mavzuini tanlagach,

1. 
   tanlangan mavzuga tegishli masalalar doirasi bilan tanishib chiqing:
   

leksiya materiallarini ko‘zdan kechiring,

2. 
   fan bo‘yicha o‘quv dasturiga ko‘ra tegishli mavzu uchun tavsiya etilgan adabiyotlarni yana bir bor tahlil qiling,bu sizga mavzuning mohiyati, uning o‘rganiladigan kursdagi o‘rni va ahamiyati to‘g‘risida aniq tasavvur olishingizga imkon beradi;
   

TDAUning axborot-kutubxona majmuida, shuningdek ,Toshkent shahar kutubxonalarida mavjud bo‘lgan kataloglardan foydalanib, referat mavzusi bo‘yicha adabiyotlar manbalari doirasini kengaytiring.
O‘zbekiston Respublikasi Hukumatining tadqiqot mavzusiga tegishli sohadagi qonunchilik hujjatlari va qarorlarini bilish ham referat sifatini oshirishga yordam beradi.
Ishning dastlabki bosqichi yakuni bibliografiyadan iborat bo‘ladi.
3. Zarur materialning konspekt qilinishi
Konspekt qilish konspektlashning bir turi: rejali, matnli, tematik, xronologik, tahliliy yoki erkin turiga muvofiq amalga oshiriladi.
4. Muammoni tadqiq qilish mantiqini ishlab chiqish, referat rejasini tuzish
Referat rejasi quyidagilarni o‘z ichiga olishi kerak:
• kirish,
• asosiy qism,
• xulosa,
• foydalanilgan adabiyotlar ro‘yxati,
• ilovalar (referatning shart bo‘lmagan qismi).
Referatning rejasi tanlangan mavzuda ko‘rilishi lozim bo‘lgan masalalar doirasi va referatning asosiy mazmunini belgilaydi. U referentning mavzu materialida umumiy yo‘nalish olishga imkon beradi, uning to‘g‘ri tanlanishi va bayon qilish mantiqini ta’minlaydi.
Har bir bandi qat’iy tanlangan material bilan ta’minlangan puxta o‘ylangan reja referatning muvaffaqiyatli yozilishining g‘oyat muhim shartidir.Referatning asosiy qismi o‘zining lo‘nda va aniq nomiga ega masalalarga va kichik masalalarga (bandlarga) bo‘linishi zarur.