Toshkent davlat agrar universiteti samarqand filiali

IV-BOB. LABORATORIYA TAJRIBALARINING NATIJALARI

4.1-§. Laboratoriya sharoitida tajribalarni o‘tkazish dasturi va usullari
G‘o‘zapoyalarni maydalash, ya’ni bulakchalarga ajratilishi avvalo g‘o‘zapoyaning turli fizik-mexanik xossalari, tajriba o‘tkazilgan sharoit va qurilmaning parametrlariga bog‘liq. YUqoridagilarni inobatga olgan holda laboratoriya sharoitida tajribalarni o‘tkazish uchun uning dasturi tuzildi.
Dasturga quyidagilarni aniqlash kiritildi:

• 
  disklarni aylanishlar sonini aniqlash usuli;
  
• 
  sarflagadigan energiyani aniqlash usuli;
  
• 
  g‘o‘zapoya bo‘lakchalarining uzunligini aniqlash usuli;
  
• 
  disklarni aylanishlar sonini aniqlash natijalari;
  
• 
  sarflanadigan energiyani aniqlash natijalari;
  
• 
  g‘o‘zapoyani bulakchalarini uzunligini aniqlash natijalari;
  

Tajribalar g‘o‘zapoyalar agregat harakat yo‘nalishi bo‘yicha, pushta yuzasida tik holatda nazarda tutilgan holda olib borildi.
Tik turgan g‘o‘zapoyalarni qalamchalarga bo‘laklanganlik darajasi simli arqon bilan bir vaqtda maydalanadigan g‘o‘zapoyalar soni va ularning tanasini diametriga bog‘liq. SHu nuqtai nazardan, tajribalar o‘tkazish uchun S6524 navli tanasining diametrlari 9-15mm gacha turlicha bo‘lgan g‘o‘zapoyalar olib kelindi va tajribalarni o‘tkazishdan oldin ildiz qismi qirqib tashlandi. CHunki g‘o‘zapoyalarni maydalaydigan mashina g‘o‘zapoyani pushta yuzasigacha bo‘lgan qismini maydalab dala yuzasiga sochadi. G‘o‘zapoya erga kirib turgan ildiz qismi pushtada qolib ketadi. 4.1–rasm.