Toshkent davlat agrar universiteti samarqand filiali

III-BOB. G‘O‘ZAPOYANI MAYDALASH QURILMASINING LABORATORIYA STENDI SXEMASI VA PARAMETRLARINI ASOSLASH

3.1-§. G‘o‘zapoyani maydalash qurilmasining laboratoriya stendi sxemasi va texnologik ish jarayoni
I – II boblarda keltirilgan materiallarning tahlili va dastlabki ilmiy izlanishlar natijasida g‘o‘zapoyali dalalarga bug‘doy ekish va bir yula g‘o‘zapoyalarni maydalashning yangi texnologiyasi va uni amalga oshiradigan laboratoriya stendi ishlab chiqildi 19; 289-291 b., 20; 316-320 b., 21; 289-
291 b, 51,. Ushbu texnologiyani ishlab chiqishda qo‘yidagilar e’tiborga olindi:
g‘o‘zapoyani maydalash va bir yula g‘o‘za qator orasiga bug‘doy ekish muddatlarini bir–biriga to‘g‘ri kelishi;
kombinatsiyalashgan agregatni agregatlash uchun quvvati katta traktorlarni mavjudligi;
ishchi qismlar yordamida barcha jarayonlarlarni bir vaqtda o‘tkazish imkoniyati mavjudligi.
Taklif qilingan texnologiya quyidagi jarayonlarni navbat bilan bajarish orqali amalga oshiriladi (3.1,a-rasm)-rasmda paxtasi terib olingan pushtada tik holatdagi g‘o‘zapoyalari dala sxemasi keltirilgan. Dastlab g‘o‘zapoyalar o‘zlari joylashgan pushta yuzasiga va egatlarga maydalab sochiladi (3.1, b-rasm). So‘ngra, g‘o‘za qator orasi tuprog‘iga ishlov berish natijasida, ushbu maydalab sochilgan g‘o‘zapoya bulakchalari tuproq bilan aralashtiriladi (3.1, v-rasm). Traktorning orqa tomonida joylashgan bug‘doy ekish seyalkasi g‘o‘zapoyalar maydalab sochilib yotgan pushta va egatlarga bug‘doyni ekadi (3.1, g-rasm).
YUqorida keltirilgan jarayonlarni kuzda bir yo‘la bajarish, tuproqqa ishlov berish va uni ekishga tayyorlash hamda ekishda vaqt, moddiy va energiya resurslarini tejaydi.