Тошкент давлат аграр университети н. Т. Хакимова, Р. К. Саттарова

ФИЛЬТРЛАБ СТЕРИЛЛАШ. 
Фильтрлаб стериллаш усули асосан қиздириб ёки заҳар воситасида 
стериллаш мумкин бўлмаган суюқликлар учун қўлланилади. Филтрлаб 
стериллаш учун ғовак чинни, асбест фильтрлар ёки коллодий фильтрлар 
ишлатилади. Бу фильтрларнинг тешиги жуда майда бўлгани учун бактерия 
ҳужайраларини ўтказмайди. Аммо бу фильтрлар ультрамикробларни (вирус, 
бактериофаг) ўтказиб юборади. 
КИМЁВИЙ СТЕРИЛЛАШ. 
Кимёвий стериллаш асосан заҳарли кимёвий моддалар билан 
микроорганизмларни йўқ қилишдир. Қиздириб стериллаш мумкин бўлмаган 
нарсалар (биноларда, уруғлар дориланганда) дезинфекция қилинади, яъни 
дориланади. Дезинфекция қилиш учун кимёвий моддалар сулема 1:1000, 
1:10000 эритмаси, карбол кислота 2-5%, оҳак 4-10% ишлатилади. 
Қишлоқ хўжалигига зарар келтирадиган ҳашаротларга қарши кураш 
дезинсекция 
дейилади. 
Қишлоқ 
хўжалигига 
зарар 
етказадиган 
кемирувчиларга қарши кураш дератизация дейилади. 
 

---

22 
Керакли жиҳозлар: 
Автоклав. Қуритиш шкафи. Кох аппарати. Колбалар. 
Сув ҳаммоми. Электр плита. Воронкалар. Пробиркалар ва Петри 
ликопчалари. Пастер найчаси. Микробиологик сиртмоқ. Идишларни ўраш 
учун қоғоз. Пахта. Озиқ муҳитлар. Шприц ва игналар. 
 
МАВЗУ: ОЗУҚАЛИ МУҲИТЛАРНИ ТАЙЁРЛАШ
 
 
Топшириқ ва машғулот ўтиш тартиби:
Микроорганизмларни 
ўстириш учун тайёрланадиган озиқа муҳитларнинг таркиби ва тайёрлаш 
технологиялари билан танишиш (Гўшт-пептон бульони, картошкали озиқа ва 
Чапека озиқаси). Талабалар мустақил равишда тайёр гўшт сувидан ГПБ ва 
ГПА озиқа муҳит тайёрлайдилар. рН ни 7,4-7,6 га тенг қилиб, озиқа 
муҳитларни пробирка ва колбаларга солиб автоклавда 1 атм. босимда 30 
минут стерилизация қиладилар. Автоклавдан олинган пробиркадаги агарлар 
қийшиқ қилиб қўйилади, колбадагилар эса Петри ликобчаларга солиб 
қотирилади.