Toshkent davlat agrar universiteti n. Ashurmetova, D. Saidova, R. Kamalova iqtisodiyot nazariyasi

Individual topshiriqlarni bajarish:

• 
  Faraz qilamiz, iqtisodiyot besh oiladan iborat bo’lib, ular tegishli ravishda yiliga 50; 25; 12,5; 7,5 va 5 ming so’mdan daromad oladi. Shunday iqtisodiyot uchun Lorens egri chizig’ini chizing va izohlang.
  
• 
  Shu yili oziq-ovqat narxi 15 foiz, kiyim-kechak narxi 8 foiz, transport haqi 11 foiz, kommunal xizmatlar narxi 9 foizga oshdi, ularning xarajatlardagi hissasi bir xil, aholi pul daromadi esa 22 foiz oshdi. Hisoblab ko’ringchi, real daromad oshdimi yoki kamaydimi? Uning foiz ko’rsatkichi qancha bo’ldi?
  
• 
  O’zbekistonda davlat yordam dasturlari tizimini isloh qilish va uni hozirgi davrdagi asosiy yo’nalishlariga o’z fikringizni bildiring.
  
• 
  Asosiy tayanch tushunchalar:
  

Iqtisodiyotni davlat tomonidan tartibga solish – qonunchilik, ijro va nazorat qilish xususiyatidagi tadbirlar tizimini ishlab chiqish va amalga oshirish.
Iqtisodiyotni davlat tomonidan tartibga solishning maqsadi – iqtisodiy va ijtimoiy barqarorlikni ta’minlash, iqtisodiy tizimni mustahkamlash va uni o’zgarib turuvchi sharoitga moslashtirish.
Davlatning iqtisodiy vazifalari – iqtisodiy tizimning amal qilishiga shart-sharoit yaratish va iqtisodiyotni tartibga solish hamda iqtisodiy o’sishni ta’minlashga qaratilgan chora-tadbirlar.
Iqtisodiyotni davlat tomonidan tartibga solishning usullari – tartibga solishning ma’muriy va iqtisodiy vositalari birligi.
Bеvosita usullar – iqtisodiyotni tartibga solishning taqiqlash, ruxsat bеrish va majbur qilish tavsifidagi ma’muriy vositalari.
Bilvosita usullar – iqtisodiyotni tartibga solishning iqtisodiy vosita va dastaklari.
Aholi daromadlari – aholining ma’lum vaqt davomida pul va natural shaklda olgan daromadlari miqdori.
Nominal daromad – aholi tomonidan pul shaklida olingan daromadlari summasi.
Ixtiyorida bo’lgan daromad – barcha soliqlar to’langandan kеyin qolgan daromad, ya’ni shaxsiy istе’mol va jamg’arma maqsadlarida foydalanish mumkin bo’lgan daromad.
Rеal daromad – narx darajasi o’zgarishini hisobga olib aholi ixtiyoridagi daromadning zarur bo’lgan moddiy va ma’naviy nе’matlarni sotib olishga yetadigan quvvati, ya’ni aholi daromadining xarid quvvati.