Toshkent davlat agrar universiteti n. Ashurmetova, D. Saidova, R. Kamalova iqtisodiyot nazariyasi

Yalpi taklif – mamlakatda narxlarning muayyan darajasida ishlab chiqarilgan va sotishga tayyor bo’lgan barcha tovarlar va xizmatlar hajmi.
Xrapovik samarasi – yalpi talab oshganda narxning o’rtacha darajasi ko’tarilishi, lеkin talab kamayganda, qisqa davr ichida narx pasayish tamoyiliga ega bo’lmasligini ifodalovchi ko’rsatkich.

10 - mavzu: Iste’mol, jamg’arma va investitsiyalar. Iqtisodiy o’sish va milliy boylik

Reja:
1. Iste’mol va jamg’armaning mazmuni. Iste’mol va jamg’arma o’rtasidagi optimal nisbat. Iste’mol va jamg’arma darajasini belgilovchi omillar.
3. Iqtisodiy jamg’arishning mazmuni va uning manbalari. Investitsiyalarning mazmuni va vazifalari.
4. Iqtisodiy o’sishning mazmuni, mezoni, turlari va ko’rsatkichlari. Iqtisodiy o’sishning samaradorligi.
5. Milliy boylik va uning tuzilishi.
6. Iqtisodiy o’sish samaradorligini ta’minlashda tabiiy, moddiy va moliyaviy resurslardan tejab-tergab foydalanishning ahamiyati.
Asosiy tayanch iboralar:
Istе’mol, shaxsiy istе’mol, unumli istе’mol, istе’mol sarflari, jamg’arish, istе’molga o’rtacha moyillik, jamg’arishga o’rtacha moyillik, istе’molga me’yoriy (kеyingi qo’shilgan) moyillik, jamg’arishga me’yoriy (kеyingi qo’shilgan) moyillik, iqtisodiy jamg’arish, jamg’arish normasi, invеstitsiya, invеstitsiyalar samaradorligi, iqtisodiy rivojlanish, iqtisodiy o’sish, iqtisodiy o’sish mеzoni, iqtisodiy o’sishning ko’rsatkichlari, ekstеnsiv iqtisodiy o’sish, intеnsiv iqtisodiy o’sish, iqtisodiy o’sish omillari, milliy boylik, moddiy-buyumlashgan boylik, tabiiy boylik, ma’naviy boylik.


Ta’limning maqsadi:
iste’mol, jamg’arma, investitsiyalar, iqtisodiy o’sish va milliy boylik bo’yicha keng qamrovli bilim va ko’nikmalarni shakllantirishdan iborat.
Mavzu bo’yicha talabaning bilim va ko’nikmalariga qo’yiladigan talablar:
- iste’mol va jamg’armaning mazmuni to’g’risidagi bilimlarini mustahkamlasnh,
- iste’mol va jamg’arma darajasini belgilovchi omillarni ochib berish imkoniga ega bo’lish,
- iste’mol va jamg’arma o’rtasidagi optimal nisbatni talqin eta olish ko’nikmasini shakllantirish,
- jamgarishning mazmuni va uning manbalarini yoritib berish imkoniga ega bo’lish,
- investitsiyalarning mazmuni va vazifalarini ochib berish ko’nikmasini shakllantirish,
- iqtisodiy o’sishning mazmuni, mezoni, turlari va ko’rsatkichlarini, yalpi talab va yalpi taklif tushunchasi, ularga ta’sir etuvchi omillarning mazmun mohiyatini tushunib yetish.