Toshkent davlat agrar universiteti agrologistika va biznes fakulteti

Joriy (operatsion) faoliyat doirasida pul mablag‘lari tushumi mahsulot sotishdan tushumlar olish, ishlar bajarish va xizmat ko‘rsatish, shuningdek, xaridorlar va buyurtmachilardan avanslar bilan, sarflanishi – yetkazib beruvchilar va boshqa kontragentlar bilan hisoblashishlar bo‘yicha to‘lovlar, mehnat haqi berish, ijtimoiy sug‘urta va ta’minot fondlariga ajratmalar, byudjet bilan o‘zaro hisoblashishlarga bog‘liq. Joriy faoliyat jarayonida tashkilotlar olingan kreditlar va qarzlar bo‘yicha foizlar to‘lashi mumkin.

Joriy (operatsion) faoliyat

Pul mablag‘lari kirimi	Pul mablag‘lari chiqimi
Joriy davrda mahsulotlar sotishdan pul tushumi	Yetkazib beruvchilar va pudratchilar bilan hisoblashish
Hisobot davrida debitorlik qarzi qaytarilishidan tushumlar	Xodimlar mehnatiga haq to‘lash
Xaridorlar va buyurtmachilardan olingan avanslar	Byudjetga ajratmalar va byudjetdan tashqari fondlarga badallar
Maqsadli moliyalashtirish va tushumlar	Hisobdor miqdorlar to‘lovi
Olingan qisqa muddatli kredit va qarzlar	Foizlar to‘lovi bilan birga qisqa muddatli kredit va qarzlarni qaytarish
Boshqa tushumlar	Qisqa muddatli moliyaviy qo‘yilmalar
	Boshqa to‘lovlar