Toshkent arxitektura qurilish instituti

Mas’uliyati  cheklangan  jamiyat 
(MChJ)  daromad  olish  maqsadida 
jismoniy  shaxslarning  birgalikda  xo‘jalik  faoliyati  bilan  shug‘ullanishi  uchun 
birlashishlari  asosida  tashkil  qilinadi.  MChJ  Nizom  fondi  ulushlarga  bo‘lib 
chiqilib,  uning  o‘lchami  ta’sischilar  tomonidan  belgilanadi.  Sherikchilik 
tarkibidagi  har  bir  ishtirokchi  o‘z  hissasiga  proporsional  qiymatda  daromadga 
egalik qilish huquqiga ega bo‘lib, o‘z ulushi doirasida sherikchilik tarkibida o‘z 
majburiyatlari bo‘yicha javobgarlikka ega hisoblanadi. 
MChJning oliy organi sifatida ishtirokchilar yig‘ini yoki ularning vakillari 
yig‘ini  ko‘rsatilib,  bunda  har  bir  ishtirokchi  Nizom  fondida  o‘z  ulushiga 
mutanosib  ovoz  miqdoriga  ega  bo‘lishi  belgilangan.  Yig‘in  sheriklik 
jamiyatining raisini saylaydi. 

---

49 
 
MChJdan  farq  qilib, 
to‘liq  sheriklik
  yuridik  va  shuningdek,  jismoniy 
shaxslar  birlashishi  (uyushishi)dan  tashkil  topgan  bo‘lishi  mumkin.  Bunda 
boshqa  bir  tamoyil  jihatidan  farq  shundaki,  to‘liq  sheriklik  yuridik  shaxs 
maqomiga  ega  emas  va  mos  ravishda,  uning  ishtirokchilari  nafaqat  badal 
to‘lovlari to‘lashlari, balki o‘z butun mol–mulki bilan majburiyatni zimmasiga 
olishlari  qayd  qilinadi.  To‘liq  sheriklikni  qayddan  o‘tkazish  uchun  ta’sischilar 
shartnomasini tadqim etishning o‘zi kifoya qilib, Nizom talab qilinmaydi.