Toshkent arxitektura-qurilish instituti rahimov qodir ergashevich kommunal infratuzilma

 
6.3-§. Kommunal infratuzilma korxonalarini boshqarishda qarorlarga 
qo’yiladigan talablar 
 
Bozor munosabatlari mezonida boshqaruv qarori boshqaruvning bosh omili 
xisoblanadi, sababi unda korxona, tarmoq taraqqiyotining butun iqtisodiy va 
ijtimiy muammolari kesishadi va bir joyda to’planadi. Boshqaruv qarorlarining 
samarasiga bir qator omillar ta`sir ko’rsatadi. Jumladan:
- rahbariyatning yoki guruhning shaxsiy sifatlari;
- qarorni ishlab chiqishdagi sharoit va axborot ta`minoti;
- tashkiliy xarakter omillari (qarorni ishlab chiqishda mutaxassislarni taklif 
qilish, usullar tizimi va qabul qilingan qarorni bajaruvchilarga Yetkazish shakli, 
nazorat tizimi va boshqalar);

---

76 
- texnik omillar (zamonaviy kompyuter dasturiy vositalaridan foydalanish va 
boshqalar);
- qarorni ishlab chiqish, qabul qilish va amalga oshirishdagi vaqtinchalik 
omillar.
Kommunal infratuzilma korxonalarida boshqaruv qarorlari quyidagi bir 
qator talablarga javob berishi kerak:
1. Har qanday boshqaruv qarori jiddiy maqsadga yo’naltirilgan bo’lib, paydo 
bo’layotgan muammolarni Yechishi kerak.
2. Boshqaruv qarori huquqiy kuchga ega bo’lishi kerak. U rahbar ega 
bo’lgan huquq doirasida qabul qilinmog’i darkor.
3. Boshqaruv qarori zamonaviy bo’lishi lozim. Qaror qabul qilingan vaqt 
muammoning boshlanishiga to’g’ri kelishi lozim. Qaror qabul qilishda shoshma-
shosharlik va kechikib qolishga yo’l qo’yilmasligi kerak.
4. Qaror ziddiyatli bo’lmasligi kerak, boshqa qarorlar bilan kelishilgan 
bo’lishi, shakli bo’yicha tushunarli, aniq ifodalangan va ixcham bo’lishi kerak.
5. To’g’ri boshqaruv qarori ilmiy yondashuv asosida vaziyatning barcha 
xususiyatlarini, ijtimoiy-iqtisodiy qonunlar ta`sirini hisobga olgan holda, ishlab 
chiqarish ahvolini tahlili negizida qabul qilinishi kerak.
6. Qaror tejamli bo’lishi, ya`ni maqsadga erishishni eng kam xarajatlar 
evaziga ta`minlashi kerak.
7. Qaror real sharoitda amalga joriy etilishi kerak. Uni qabul qila turib, 
barcha obyektiv va xususiy cheklanishlarni, boshqariluvchi tizimning aniq 
imkoniyatlarini, mavjud resurslarni va ularni ishlatish sharoitlarini hisobga olish 
kerak.
8. Qaror samarali bo’lishi kerak, bu Yerda samara deganda qo’yilgan 
maqsadga erishishni tushunish zarur.

---

77