Тошкент ахборот технологиялари университети

Ихтисослаштирилган аппарат воситалари асосидаги VPN.
Ихтисослаштирилган 
аппарат 
қурилмалари 
асосидаги 
VPN-
воситаларнинг асосий афзаллиги-юқори унумдорлиги. VPN-пакетларни 
ишлашда керакли ҳисоблашлар хажми оддий пакетларни ишлашдагига 
нисбатан 50-100 марта ошади. Аппарат воситалари асосидаги VPN ларда 
юқори тезликка уларда шифрлашнинг ихтисослаштирилган микросхемаларда 
амалга оширилиши евазига эришилади. Бундай VPN-воситалар кўпинча 

---

IPSec протоколи билан бирга ишлай олади ва локал тармоқлар орасида 
криптоҳимояланган туннелларни шакллантиришда ишлатилади. Баъзи ишлаб 
чиқарувчиларнинг VPNни шакллантирувчи асбоб-ускуналари бир вақтнинг 
ўзида "масофадаги компьютер-локал тармоқ" режимида ҳимояланган 
боғланишни ҳам қўллаб-қувватлайди.
Аппарат VPN-шлюзлар алоҳида аппарат қурилмаси кўринишида бўлади. 
Уларнинг асосий вазифаси-трафикни юқори унумдорлик билан шифрлаш. Бу 
VPN-шлюзлар Х.509 рақамли сертификатлари PKI очиқ калитларни 
бошқариш инфратузилмалари билан ишлайди, LDAP бўйича маълумот 
берадиган хизматлар билан ишлашни қўллаб-қувватлайди. Аппарат 
ҳимояланган туннел ишлашининг энг оддий варианти - аппарат шифрлашдан 
фойдаланиб уланишларни яратиш. Туннеллашнинг аппарат воситалари 
одатда локал ва глобал тармоқларнинг туташган жойида, маршрутизатордан 
кейин ўрнатилади (2.9-расм) ва автоматик тарзда берилган трафикни 
шифрлайди. Бундай ёндашишнинг асосий афзаллиги шундаки, ишчи 
стансиялар ва маршрутизаторларнинг шакллантирилувчи крипто-туннеллар 
билан ҳеч қандай боғлиқлиги йўқ, VPN ўрнатилганида уларни 
конфигурациясини ўзгартириш талаб этилмайди. 
Аппарат 
шлюзларни 
инсталляциялаш 
дастурий 
шлюзлар 
ва 
маршрутизаторлар ва брандмауерлар асосидаги шлюзларга нисбатан жуда 
осон амалга оширилади. Бундай қурилмаларни бошқариш иккита асосий 
масалани ечишни талаб этади: сертификация маркази орқали калитларни 
бошқариш ва ҳимояланган туннеллашни бошқариш. Аксарият аппарат 
туннеллаш воситаларида сертификация марказлари Windowsга мослашган 
дастурий иловалардир. Аппарат туннелларини марказлашган ҳолда бита иш 
жойида туриб бошқариш мумкин. Бошқарувчи дастурлар туннелнинг асосий 
ҳимоялаш функцияларининг бажарилишини ва хатоликларни ишлашни 
таъминлайди. 

---

2.9-расм. Ихтисослаштирилган аппарат воситалар асосида тунеллаш схемаси. 
Ихтисослаштирилган аппарат VPN-воситалар нархидан ташқари барча 
бўлиши мумкин бўлган кўрсаткичлари бўйича лидер ҳисобланади.