Тошкент ахборот технологиялари университети ҳузуридаги илмий даражалар берувчи dsc

Тадқиқотнинг мақсади ахборот хавфсизлиги кўрсаткич ва мезонлари 

---

7 
тизимини шакллантириш ва ахборот тизими хавфсизлигини баҳолаш 
усуллари ва воситаларини ишлаб чиқишдан иборат. 
Тадқиқотнинг вазифалари: 
ахборот хавфсизлигини баҳолаш жараёнини хусусий ва қисм-тизим 
концептуал моделларини ишлаб чиқиш; 
ахборот хавфсизлиги кўрсаткич ва мезонлари тизимининг функционал 
ва информацион моделларини яратиш; 
ахборот хавфсизлиги кўрсаткич ва мезонлари тизимини шакллантириш 
алгоритмини ишлаб чиқиш; 
ахборот тизими компонентларининг хавфсизлик бўйича устуворликлари 
асосида ахборот тизимини баҳолаш усулини ишлаб чиқиш; 
ахборот хавфсизлигини баҳолаш тизимининг дастурий воситасини 
яратиш. 
Тадқиқотнинг объекти сифатида ахборот тизими хавфсизлигини 
баҳолаш жараёни олинган. 
Тадқиқотнинг предмети сифатида ахборот хавфсизлиги кўрсаткич ва 
мезонларини шакллантириш ҳамда улар асосида ахборот хавфсизлигини 
баҳолаш усуллари ва алгоритмлари олинган. 
Тадқиқотнинг усуллари. Тадқиқот жараёнида ахборот ҳимояланган-
лигини тахлил қилиш усуллари, норавшан мантиқ ва норавшан тўпламлар 
назарияси, графлар назарияси ва объектга йўналтирилган дастурлашдан 
фойдаланилган. 
Тадқиқотнинг илмий янгилиги қуйидагилардан иборат: 
ташкилот ва унинг ахборот тизими компонентларининг хусусиятлари 
асосида ахборот тизими хавфсизлигининг хусусий ва қисм-тизим концептуал 
моделлари ишлаб чиқилган; 
IDEF0 ва IDEF1X методологияси орқали ахборот хавфсизлигини 
баҳолаш кўрсаткич ва мезонлари тизимини шакллантиришнинг функционал 
ва информацион моделлари ишлаб чиқилган; 
баллар бериш, рутбалаш ва норавшан мантиқ назариясининг «Мамдани» 
усуллари ва экспертлар хулосаси ёрдамида ахборот хавфсизлигини баҳолаш
кўрсаткич ва мезонларини шакллантириш усули ишлаб чиқилган; 
ахборот тизими компонентларининг хавфсизлик бўйича устуворликлари 
асосида ахборот тизимини баҳолаш усули ишлаб чиқилган; 
ахборот тизими хавфсизлигининг хусусий ва қисм-тизим концептуал 
моделлари ёрдамида ахборот хавфсизлигини баҳолаш кўрсаткич ва 
мезонлари тизимини шакллантириш, ахборот хавфсизлигини баҳолаш 
алгоритмлари ҳамда дастурий воситалари архитектураси ишлаб чиқилган.