Тошкент ахборот технологиялари университети “телевидение асослари”

B-текисликлар P-текисликлардан шу билан фарқланадики, унда кодлаш учун ҳаракатни компенциялашда нафақат аввалги, балки кейинги I- ва P- текисликлар ҳам қўлланилади. Ушбу текисликнинг ҳар бир макроблоки аввалги текислик макроблоки, кейинги текислик макроблоки ва ушбу макроблоклар суперпозицияси бўйича башорат қилинади.
MPEG-4 Part 10 Advanced Video Coding (H.264) қуйидаги функциялари билан ажралиб туради:

• 
  4:2:0, 4:2:2 ва 4:4:4 форматлари қўллаб қувватланиши
  
• 
  Максимум 16тагача таянч кадрлар
  
• 
  Такомиллаштирилган ҳаракат қоплагичи (1/4 пикселдаги аниқлик)
  
• 
  16 битлик тизим туфайли янада аниқроқ иш режими
  
• 
  Макроблоклар турли структураси (16x16, 16x8, 8x16, 8x4, 4x8,4x4)
  
• 
  квантлаш жадвалида 52 киритилувчи элементлар
  
• 
  ДКА ўрнига Адамар алмаштиришини қўлланиши (блок ўлчами мос равишда 4x4 ёки 2x2 пиксел)
  
• 
  энтропияли кодлаш; кодлаш узунлигининг ўзгарувчанлиги (VLC) ва контекс мослашувчан иккилик арифметик кодлаш (CABAC)
  

3.21.расм. I, B, P кадрларни узатиш кетма кетлиги

SDTV 4:2:0 формати ва 6 Мбит/с тезликли сигнал аналог телевизион сигнал сифати билан деярли бир хил ҳисобланади. Амалиётда узатиш тезлиги 2...7 Мбит/с гача бўлган тезликлар ҳам мавжуд. Бу тезликлар ўз навбатида тасвир сифатини баҳолайди. Ўз навбатида шундай хулосага келинади: яъни спорт кўрсатувлари учун катта тезликдаги маълумотлар оқими талаб қилинади¹².

Маълумотлар узатиш тезлиги тасвир таркибига кўра доимий ёки ўзгарувчан бўлиши мумкин. Ушбу тезлик MPEG кодери буферига кирувчи сигналлар даражасидаги квантланиш коэффициентининг ўзгариши билан бошқарилади.
I, P ёки B макроблоклари турли усуллар билан кодланиши мумкин. Макроблокнинг кодланиши бўйича энг кўп тарқалган турларидан бири бу қуйидагича:

• 
  Intra кадрлар кодланади (мутлақо янги)
  
• 
  Олдинги код
  
• 
  Олдинга ва орқага кодлаш
  
• 
  Ўтказиб юборилган кодлар.
  

3.22.расм. I, B, P кадрларни узатиш кетма кетлиги намунаси

I0, B1, B2, P3, B4, B5, P6, B7, B8, P9 тартибдаги кадрлар эфирга қуйидаги тартибда жўнатилади : I0, B-2, B-1, P3, B1, B2, P6, B4, B5,P9.

Бундан ташқари MPEG-4 тизимида деблоклаш фильтри ҳам қўлланилади. Ушбу фильтр вазифаси блокловчи артефактларнинг кўринувчанлигини камайтиришдан иборат.

3.23.MPEG-4 тизимида деблоклаш фильтри тизими.

MPEG-4 AVC бугунги кунда DVB-S2 тизимининг HDTV қисми учун ва DVB-H ва T-DMB тизимларининг мобил телевидение қисми учун фойдаланиб келинмоқда.