|
Назорат саволлари
SDHнинг афзаллиги нимада?
SDHнинг қандай хусусиятларини биласиз?
SDHни ҳосил қилишдан мақсад нима?
Синхрон рақамли иерархиянинг қандай узатиш тизимларини биласиз, уларнинг бир-биридан фақи нимада?
SDH да рақамли линия сигналлари қандай шаклланади?
Е1 трибларидан STM-1га ўтиш жараёнини тушунтиринг
STM-1цикли қандай тузилган?
STM-1сарловхаси қандай тузилган, унда қандай ахборотларни узатиш мумкин?
STM–Nнинг шаклланишини тушунтиринг.
14- МАЪРУЗА
ТЎЛҚИНЛИ ЗИЧЛАШТИРИШЛИ ТОЛАЛИ ОПТИК АЛОҚА ТИЗИМЛАРИ
Режа:
14.1. Тўлқин узунлиги бўйича зичлаштириш технологиясининг асосий принциплари.
14.2. Тўлқин узунлиги бўйича зичлаштириш тизимининг тузилиш схемаси.
14.3. Тўлқин узунлиги бўйича зичлаштиришли (ТУБЗ) технологиялар. ТУБЗ толали оптик алоқа тизимларининг классификацияси: CWDM, DWDM, HDWDM тизимлари ва уларнинг асосий параметрлари.
14.1. Тўлқин узунлиги бўйича зичлаштириш технологиясининг асосий принциплари
Толали оптик тармоқлар, SDH/SONET иерархиясини қўллаган ҳолда узатиш тезликларини ошириш бўйича ривожланди. Натижада кам каналли узатиш тезликларидан, тезлиги 155 Мбит/с бўлган синхрон рақамли иерархиянинг STM-1 тизимига, ундан кейин тезлиги 622 Мбит/с бўлган STM-4 тизимига ва тезлиги 2,5 Гбит/с бўлган STM-16 тизимига ўтиш амалга ошди. Жадаллик билан ривожланиш зарурияти Internet трафикларига яъни унинг хизмат турларига бўлган қизиқиш билан боғлиқдир. Internet тармоқларига уланувчи каналлар ҳажмининг ошиши ўз навбатида фойдаланувчиларга мультимедиялардан фойдаланиш имконини беради. Бу эса тармоққа уланувчи операторларни сонини оширишга мажбур қилади ва натижада каналлар сони сингари уларнинг узатиш тезликлари ҳам ошади. Бундай тезликлардан фойдаланиш учун STM-64, STM-256 технологиялари яратилди. Лекин маълумотларни узатиш ҳажмининг янада ошиши ва мавжуд бўлган оптик толалар орқали ўтказувчанлик қобилиятининг тез тўлиши яна муаммоларни юзага келтирди.
Бундай муаммоларни хал қилиш учун эса 3 вариантдан фойдаланишга тўғри келади:
- янги оптик кабелларни ётқизиш;
-юқори ишлаб чиқарувчанли вақтли мультиплексорлашга эга бўлган аппаратуралардан фойдаланиш;
- WDM технологияларидан фойдаланиш.
Биринчи вариантда тармоқдаги мавжуд бўлган оптик кабелларни ўрнига янгисини ёткизиш иқтисодий сарф харажатларни оширади.
Ётқизилган кабеллар бўйича толанинг оптик ўтказувчанлик қобилиятини икки усул орқали ошириш мумкин: каналнинг узатиш тезлигини, анчагина тез вақтли зичлаштиришни қўллаш ҳисобига, ёки WDM-технологияларини қўллаб, бир оптик тола бўйлаб сигналларни узатишни амалга оширувчи тўлқинли каналларнинг сонини ошириш ҳисобига.
Биринчи вариантни қўллаш, синхрон рақамли иерархия (SONET/SDH) тизимлари қўлланиладиган узоқ масофали алоқа тармоқларида, бир қанча қийинчиликлар билан боғлиқ, яъни узатиш тезлиги 40 Гбит/с дан юқори бўлган охирги аппаратураларни зудлик билан қимматлашишига олиб келади. Ҳозирги вақтда амалда ахборотларни узатиш тезлиги 10 Гбит/с тезликга эга бўлган TDM каналлари қўлланилмоқда. 40 Гбит/с тезликли TDM каналларини қўллашни таъминловчи аппаратуралар яратилди. Бундан ташқари кўпгина ҳолларда ётқизилган оптик толалар 10 Гбит/с дан юқори бўлган тезликда ахборотларни узатиш имконини бермайди, чунки уни ётқизишда толали оптик кабел таркибида, ахборотларни бундай узатиш тезлигида толада юзага келадиган бир қатор таъсирлар назарда тутилмаган.
Биринчидан толада, ёруғлик импульсларини кенгайишига олиб келувчи дисперсиянинг мавжудлиги ахборотни узатиш тезлигини чегараланишига олиб келади. Бир модали оптик толаларда тўлиқ ҳолдаги дисперсия, хроматик ва қутбланган-мода дисперсия (ҚМД) лардан иборат. Хроматик дисперсия қийматини, тескари ишорали дисперсияга эга бўлган бир бўлак толани линияга улаш йўли билан камайтириш мумкин. ҚМД қиймати, технологияларнинг такомиллашмаганлиши туфайли юзага келувчи, тасодифий характерга эга бўлган, думалоқ шаклдаги ёруғликни ўтказувчи толани кўндаланг кесимининг оғиши билан боғлиқ. Шунинг учун ҳам доимий равишда дисперсияни компенсациялаш имкони бўлмайди.
Иккинчидан, узатиш тезлигининг ошиши билан фото қабул қилувчи қурилмаларининг сезувчанлиги ва ёруғлик сигналларининг элтувчисини ахборотли сигналлар билан модуляцияланиш чуқурлиги пасаяди, натижада сигналнинг шовқинга бўлган нисбати ҳам камаяди. Бундай таъсирларни компенсациялаш учун қўшимча равишда оптик сигнал кучайтиргичлари ва регенераторлари ўрнатилади. Буларнинг барчаси оптик аппаратураларнинг мураккаблашишига ва унинг нархини ошишига олиб келади.
Толали оптик алоқа линиялари бўйича ахборотларни узатиш тезлигини, ахборот ҳажмини ошиши янги оптик толали технологияларни, айниқса каналларни тўлқин узунлиги бўйича мультиплексорловчи (зичловчи) WDM ва DWDM деб аталувчи технологияларни яратилишига олиб келди.
WDM (wavelength division multiplexing) тўлқин узунлиги бўйича ажратишга эга бўлган мультиплексорлаш, DWDM (dense wavelength division multiplexing) - тўлқин узунлиги бўйича ажратишга эга бўлган зич мультиплексорлаш маъносини англатади.
WDM технологияси бир вақтнинг ўзида кенг спектрдаги оптик нурланишларни ўтказувчи оптик тола қобилиятига ёки интерференцияланмайдиган ва ўзаро боғланмаган тўлқин узунликларининг жуда катта мажмуасига асосланган. Ҳар бир тўлқин узунлиги тола бўйлаб ахборотлар оқимини узатувчи ўзаро боғлиқ бўлмаган оптик канал бўлиб хизмат қилади. Қўшни каналлар оралиғи жуда кичик нанометрларни ташкил этади.
WDM технологияси толали оптик каналларнинг ва алоқа тармоқларининг ўтказувчанлик қобилиятини юз мартагача ошириш ва оптик толанинг ўтказиш қобилиятидан самарали файдаланиш имконини беради. Уни вақтли зичлаштирувчи технология (TDM) лар билан биргаликда қўллаш орқали, битта оптик тола бўйлаб ахборотларни узатишни терабит тезлигикгача етказиш мумкин.
WDM технологияси дуплекс режимда (бир вақтнинг ўзида икки томонлама йўналишда ) бир тола бўйлаб бир-бирига боғлиқ бўлмаган юзлаб оптик каналларни узатувчи толали оптик тизим ва тармоқларни яратиш имконини берди.
Do'stlaringiz bilan baham: |
