Toshkent «Adolat» 2018 davlat va huquq nazariyasi

362

Odilqoriyev X.T. 

Davlat va huquq nazariyasi

Huquqning asl qadr-qimmati, ijtimoiy 

ahamiyati uning kishilar ongi-irodasiga ta’sir 

etish orqali insonlar o‘rtasidagi munosabat-

larni tartibga sola olish salohiyatida namo-

yon bo‘ladi. Gap huquqning real hayotga 

joriy qilinishi, ya’ni uning harakatlanishi xu-

susida bormoqda.

Huquqning harakatlanishi, amal qilishi uning funksional holati ifodasi-

dir. Huquqning jamiyat hayotida o‘z amalini topib, ijtimoiy munosabatlarning 

mazmuniga singishi, ularni me’yoriy tartibga solishda ifodalanadigan ijtimoiy 

manfaatli vazifani bajarishi uning funksional jihatini tashkil etadi. Huquqning 

harakatlanishidan muayyan ijobiy samara kutiladi. Buning uchun huquq amal-

ga oshirilishi, hayotga tatbiq etilishi lozim. Huquq normalari bevosita hayotga, 

turmush amaliyotiga joriy etilgan taqdirdagina jamiyat, inson va davlat uchun 

foydali hamda manfaatli bo‘lishi mumkin. Huquq qanchalik sobitlik bilan, izchil 

amalga oshirilsa, ijtimoiy munosabatlar shunchalik samarali tartibga solinishiga 

erishiladi.

O‘zbekiston Respublikasi Prezidentining farmoni bilan ma’qullangan 

«2017–2021-yillarda O‘zbekiston Respublikasini yanada rivojlantirish bo‘yicha 

Harakatlar strategiyasi»da belgilangan besh ustuvor yo‘nalishdagi muhim vazi-

falarni muvaffaqiyatli bajarish uchun amaldagi qonunchilik, huquqni qo‘llash 

amaliyotini va ilg‘or xorijiy tajribani chuqur tahlil etish asosida ish tutish 

e’tiborga molik jihatdir

1

. Ushbu g‘oya davlat boshlig‘i Sh. Mirziyoevning 

ma’ruzalarida yanada aniq ifoda etilgan: «Konstitutsiyamizda belgilangan qo-

nun ustuvorligi prinsipi jamiyatimizda inson huquq va erkinliklarini ta’minlash, 

barcha islohotlarni samarali amalga oshirishning muhim kafolatidir... Asosiy 

masala – qonunlarning... ijrosini to‘g‘ri tashkil etish hamda qonun talablariga 

qat’iy amal qilishni ta’minlashdan iboratdir»

2

.

1 

O‘zbеkistоn Rеspublikаsi Prеzidеntining O‘zbеkistоn Rеspublikаsini yanаdа rivоjlаntirish bo‘yichа 

Hаrаkаtlаr strаtеgiyasi to‘g‘risidаgi fаrmоni. – T., 2017. – 4-bеt.

2 

Mirziyoyеv Sh. Qоnun ustuvоrligi vа insоn mаnfааtlаrini tа’minlаsh – yurt tаrаqqiyoti vа хаlq 

fаrоvоnligining gаrоvi. – T.: «O‘zbekiston», 2017. – 8–9-bеtlаr.