Toshkent 2021 yil Annotatsiya

Rezbaning sbegi, protochka va faskasi. Rezbali detallarning rezba o`yilgan qismida to`la profil yuzasidan tashqari to`la bo`lmagan yuzasi mavjud bo`lib, uni rezbaning chiqishi deyiladi. Rezbaning chiqishi ikki xil bo`lib, ular sbeg va protochka deyiladi. Profili to`la bo`lmagan rezbaning chiqishi rezbaning sbegi deyiladi va u chizmada rezba chegarasidan so`ng konturga yo`nalgan ingichka chiziqda tasvirlanadi 5.13.16– chizma, a. Kerak bo`lganda sbeg uzunligi o`lcham ko`rsatiladi 5.13.16– chizma, c. Rezba uzunligi sbegsiz 5.13.17– chizma, a, sbegi bilan 5.13.17–chizma,b ko`rsailishi mumkin. Sbeglar rezbaning tralishi tayanch yuzalarigacha bo`lgan to`la qirqilmagan t qismi 5.13.16– chizma, a, c yoki 5.13.16– chizma, b, d lardagidek tasvirlanishi mumkin.

5.13.16–chizma

5.13.17– chizma

Sbeg o`rniga ishlangan xalqasimon ariqcha protochka deyiladi 5.13.18– chizma,a,b. Rezba qirqish asbobining rezba qirquvchi qismi shu protochkaga chiqadi. Protochkalarning eni va chuqurligi rezbaning diametriga qarab o`yiladi. Tashqi rezbalar uchun protochkaning diametri rezbaning ichki diametridan kichikrq bo`lishi lozim. Teshikdagi protochkalar esa rezbaning katta diametridan kattaroq bo`lishi kerak. Rezba sbegi va protochkalarning o’lchamlari standart bilan aniqlanadi.

5.13.18– chizma

Teshikdagi rezbaga bolt rezbasi oson kirishi uchun va rezbaning oxirgi o’ramlarini shikastlanishidan saqlash uchun teshik va sterjen rezbalar uchiga faskalar ishlanadi (5.13.19- chizma, a, b). Faskalar kichik “c” harf bilan belgilanadi va c=0,1…0,75d kattalikda, chiziqli burchagi rezba o’qiga nisbatan α=90° da o’yiladi (cx45°). Rezbaning ingichka tutash chiziqda tasvirlangan ichki dametri faska chegarasini ko’rsatuvchi chiziqni kesib o’tadi (5.13.19- chizma, a).

5.13.19- chizma