Тошкент-2021 3 Июнь 2021 10-қисм Тошкент май 2021 йил. Тошкент: «Tadqiqot»

Июнь 2021 10-қисм
Тошкент
o‘rganadilar. Ular narsa, harakat bildiradigan ko‘pgina so‘zlarni, shuningdek, tovush, harf, bo‘g‘in, 
so‘z, o‘zak, qo‘shimcha, so‘z turkumi, ot, sifat, son, fe’l, olmosh, ravish, gap, darak gap, so‘roq 
gap, undov gap, gap bo‘laklari singari juda ko‘p yangi atamalar bilan tanishadi. Oldindan o‘z 
nutqida ishlatib kelayotgan, nutq ta’sirchanligini oshiruvchi vositalarni farqlaydi va ularni nutqida 
to‘g‘ri qo‘llashni o‘rganib boradi. 
O‘qish darsi va u bilan olib boriladigan kuzatish, ekskursiya o‘quvchilarga tabiat hodisalari 
kishilar hayoti va mehnati, ular bilan muomala qilish haqida bilim beradi. Darslardagi badiiy 
asrlarni o‘qish, o‘qilganlarni qayta hikoya qilish, ekskursiyada predmet va tabiat hodisalarini 
kuzatish vaqtida ko‘rganlarini hikoya qilish ularning og‘zaki nutqini o‘stiradi. O‘qish darslarida 
nutq o‘stirish jarayonini qiziqarli holatga aylantiruvchi sinfdan tashqari o‘tkaziladigan 
mashg‘ulotlarda o‘qilgan mavzular asosida o‘quvchilar o‘zlarining ijrosidagi spektakllarni 
tayyorlashi nutq jarayonidagi erkinlikning, ta’sirchanlikning oshishi, shu bilan birga kutilmagan 
nutqiy vaziyatlardan oson chiqib keta olishni o‘rganishda juda qo‘l keladi. Bundan tashqari, 
respublikamiz xalq ta’limi tizimida ta’lim sifatini baholash sohasidagi xalqaro tadqiqotlarni tashkil 
etish, xalqaro aloqalarni o‘rnatish, o‘quvchi yoshlarning ilmiy tadqiqot va innovatsiya faoliyatini, 
eng avvalo, yosh avlodning ijodiy g‘oyalari va ijodkorligini har tomonlama qo‘llab-quvvatlash 
hamda rag‘batlantirish maqsadida Vazirlar Mahkamasining 2018-yil 8-dekabrdagi “Xalq ta’limi 
tizimida ta’lim sifatini baholash sohasidagi xalqaro tadqiqotlarini tashkil etish chora-tadbirlari 
to‘g‘risida”gi chiqarilgan qaroriga asosan o‘quvchilarning matnni o‘qish va tushunish darajasini 
aniqlash bo‘yicha PIRLS topshiriqlarini o‘tkazish orqali o‘quvchilarning o‘z nutqida mustaqil 
fikrlarini bayon etishi, ichki imkoniyatlarini yuzaga chiqarish ishtiyoqining paydo bo‘lishida katta 
ijobiy natijalarga erishish mumkin.