39
Июнь 2021 10-қисм
Тошкент
ABU NASR AL-FAROBIYNING PEDAGOGIK VA FALSAFIY QARASHLARI.
Ibragimova Shahlo Asatovna
Navoiy shahar 5- maktabning
boshlang’ich sinf o’qituvchisi
Annotatsiya:
Maqolada buyuk mutafakkir Abu Nasr al-Farobiyning pedagogik va falsafiy
qarashlari to’g’risida fikr yuritilgan.
Kalit so’zlar:
fikr, pedagogic, falsafiy, mantiq
Abu Nas al-Forobiy o‘rta asr sharqining buyuk qomusiy olimi bo‘lib, u 873 yilda hozirgi
Qozog‘iston teritoriyasidagi Farob shaharchasida tug‘ildi, keyinchalik Toshkentda va Buxoroda
yashab ta‘lim oldi. X asr boshlarida ilmga chanqoq bo‘lajak olim O‘sha paytda madaniyat
va ilm markazi bo‘lgan xalifalik poytaxti Bag‘dodga boradi. Bu yerda u turli xil fan sohalari
bilan shug‘ullanadi, ko‘p tillarni o‘rganadi. Ba‘zi ma‘lumotlarga ko‘ra 70 tilda gaplasha olgan.
Forobiy bu yerda xristian olimlari Abu Bashar Marta ibn Yunusdan Yunon falsafasi va tilini,
Yuxanna inb Xaylondan tabobat va mantiq ilmini o‘rgandi. "Muallim as-soniy" - ikkinchi
muallim (Aristoteldan so‘ng) nomini oldi, umrining so‘ngi yillarini Damashq shahrida o‘tkazdi.
Forobiy fanning turli sohalariga bag‘ishlangan 160 dan ortiq asarlar yozdi. Biroq uning ijodini
belgilovchi narsa uning falsafiy qarashlari hamda pedagogik qarashlari ifodalangan asarlaridir.
Uning falsafiy qarashlari panteistik harakterga ega bo‘lib, u Platonning materializmni rad qil-
ishiga qarshi chiqadi va tabiatni real va obyektiv mavjud ekanligini e‘tirof etadi. Uningcha ―in-
son tabiatning eng yuksak ijodi, inson o‘zining idroki tufayli atrof muhitni anglay oladi. Idrok
yordamida sezish mumkin bo‘lmaydigan ichki aloqalar mohiyatini tushunib sezsa bo‘ladi, degan
fikrlari bilan u izchil rasional tasdiq pozisiyasida turadi.
Haqiqatni aniqlash, fikrning qat‘iyligini tarbiyalashda mantiq va grammatikaning rolini ko‘rsa-
tar ekan, u sezgi organlari va miya insonga tug‘ilishdanoq berilgan. Qolgan narsalar bilim, har
xil aqliy va axloqiy xislatlar, xarakter, ma‘lumot boshqalar insoniy muloqotlar natijasida qo‘lga
kiritiladi, deb hisoblaydi. Forobiy inson xarakteridagi mardlik, botirlik, saxiylik, topqirlik, to’g‘ri
so‘zlik, adolatparvarlik kabi xususiyatlar faqat tarbiya natijasidagina qo‘lga kiritiladi deb his-
oblaydi. Uningcha ―axloqiy sifatlar ikki xil yo‘l bilan hosil qilinadi:
1. Mustaqil xarakat qilish orqali
2. Majbur qilish orqali‖
Biroq qanday usul qo‘llanilmasin mutafakkirning fikricha natija bir xil, ya‘ni ideal jamiyat
talabiga javob beruvchi shaxsni shakllantirishdan iborat bo‘lishi lozim. Uningcha, bolani uyda,
oilada, maktabda, o‘qituvchi va jamoada rahbar boshchiligida tarbiyalash mumkin. Yaxshilar
jamiyatda tarbiya kollektiv xarakterga ega bo‘lib, kishilar yaxshi sifatlarni egallash uchun erkin
harakat qilishlari, yagona maqsad yo‘lida birlashishlari lozim. Bunday jamoa boshliqlari aqliy va
jismoniy, ma‘naviy jihatdan kamolotga erishgan kishilar bo‘lishlari lozim. Bunday kishi adolatli,
donishmand, olim bo‘lishi kerak. U o‘zini namuna vositasida jamiyat a‘zolarini tarbiyalashi lozim.
Shunday qilib, u o‘zining ijtimoiy qarashlarida mukammal, e‘tiqodli inson haqidaga o‘rta asr
pedagogik qarashlarini umumlashtirdi va O‘rta Osiyo xalqlari jumladan, O‘zbekiston xalqlari
pedadagogik qarashlarining asoschilaridan biri sifatida tarbiya sohasidaga mutadillik nazariyasini
asoslab berdi.
Do'stlaringiz bilan baham: