Тошкент-2019 Экспертиза тушунчаси, экспертиза турлари ва экспертиза тайинлашнинг хуқуқий асослари

1.Божхона экспертининг хуқуқлари.
Ўзбекистон Республикаси Божхона Кодексининг қўмитасининг 213-моддасида божхона экспертининг ҳуқуқлари белгилаб берилган. Унга асосан эксперт қуйидаги ҳуқуқларга эга:
экспертиза объекти бўлган материаллар (хужжатлар, намуна ва синамалар) билан танишиш, тегишли жойлардан экспертиза учун зарур материалларни сўраб олиш;
объектив хулоса бериш учун зарур бўлган қўшимча материалларни экспертиза тайинлаган орган ёки мансабдор шахсдан тақдим этилишини талаб қилиш;
тақдим этилган материаллар экспертиза ўтказиш учун етарли бўлмаса, шунингдек эксперт олдига қўйилган саволларни унинг махсус билимлари асосида ҳал қилиш мумкин бўлмаса, хулоса бериш имконияти йўқлиги тўғрисида маълум қилиш;
товарларга тегишли хужжатларда акс эттирилган маълумотлардан, бошқа мутахассислар хулосаларидан, БҚБ ҳолатлари юзасидан расмийлаштирилган ишларни юритиш бўйича жавобгарликка тортилаётган шахсларнинг, шунингдек ушбу ишлар бўйича гувоҳларнинг берган тушунтириш ва кўрсатмаларидан, жиноий ишлар бўйича гумон қилинаётган шахсларнинг кўрсатмаларидан ва бошқа материалларидан фойдаланиш;
қонунчиликда кўзда тутилган холларда эътироз билдириш;
берган хулосасидаги камчиликларни тўлдириш ёки қўшимча экспертизани амалга оширишда иштирок этиш.

1. 
   Божхона экспертининг мажбуриятлари.Ўзбекистон Республикаси Божхона Кодексининг қўмитасининг 213-моддасида божхона экспертининг мажбуриятлари белгилаб берилган. Унга асосан эксперт қуйидаги мажбуриятларга эга:
   

экспертиза натижаларини объектив баҳолашдан келиб чиқиб, ўз олдига қўйилган саволлар бўйича асосланган ҳолда хулоса беради;
агар тақдим этилган маълумотлар эксперт олдига қўйилган вазифанинг фақат бир қисминигина ҳал этиш имконини берса, экспертизага тақдим этилган материаллар устида тадқиқотлар ўтказади;
экспертга лабораториянинг имконият доирасида бўлмаган вазифаларни ҳал этиш топширилган бўлса, у ҳолда бунинг сабабларини асослаб эксперт ёзма жавоб беради;
БҚБ ҳолатлари юзасидан расмийлаштирилган ишларни юритаётган мансабдор шахс (суриштирувчи, терговчи, прокурор ва судья) нинг чақирувига асосан, ўзи берган хулоса юзасидан тушунтиришлар ва ўзи билган қўшимча маълумотларни беради;
экспертизани тайинлаган суриштирув ўтказаётган органнинг рухсатисиз БҚБ ҳолатлари юзасидан расмийлаштирилган ишларни юритиш бўйича ўтказилган экспертиза натижаларини ошкор қилмайди;
экспертиза ўтказиш жараёнида хавфсизлик техникасига риоя қилади;
лаборатория бошлиғининг ёзма равишдаги топшириғисиз материаллар экспертизасини ўтказмайди;
ўзига топширилган экспертизани амалга ошириш жараёнида лаборатория бошлиғининг рухсатисиз бошқа мутахассисларни жалб этмайди;
эксперт ваколат доирасида бўлмаган масалаларни ҳал қилмайди.