Тошкент -2021й. Ўзбекистон Республикасининг шаҳарсозлик кодекси Боб Умумий қоидалар (модда 1-12)

2-мавзу: Ўзбекистон Республикасининг шаҳарсозлик кодекси
Тошкент -2021й.
2. Ўзбекистон Республикасининг шаҳарсозлик кодекси
Боб 1. Умумий қоидалар (модда 1-12)
Боб 2. Шаҳарсозлик фаолияти объектлари ва субъектлари (модда 13-17)
Боб 3. Давлат органларининг шаҳарсозлик фаолияти соҳасидаги ваколатлари (модда 18-22)
Боб 4. Шаҳарсозлик ҳужжатлари экспертизаси (модда 23-25)
Боб5. Қурилишни назорат қилиш ва амалга ошириш(модда 26-34)
Боб 6. Шаҳарсозлик фаолияти соҳасидаги жамоатчилик назорати(модда 35-43)
Боб 7. Шаҳарсозлик ҳужжатлари. Давлат шаҳарсозлик кадастри(модда 44-48).
Боб 8. Ҳудудларни ривожлантиришни шаҳарсозлик жиҳатидан режалаштириш (модда 49-60).
Боб 9. Аҳоли пунктлари ва шаҳар атрофи зоналари ҳудудларидан фойдаланиш(модда 61-73).
Боб 10. Шаҳарсозлик фаолиятини алоҳида тартибга солиш (модда 74-78).
Боб 11. Шаҳарсозлик фаолиятида ер муносабатлари (модда 79-82).
Боб 12. Якунловчи қоидалар (модда 83-85).
Боб 1. Умумий қоидалар (1-12 модда)
1-модда. Ушбу Кодекснинг мақсади
Ушбу Кодекснинг мақсади шаҳарсозлик фаолияти соҳасидаги муносабатларни тартибга солишдан иборат.
2-модда. Шаҳарсозлик тўғрисидаги қонун хужжатлари.
Шаҳарсозлик тўғрисидаги қонун хужжатлари ушбу Кодекс ва бошқа қонун хужжатларидан иборатдир.
Қорақалпоғистон Республикасида шаҳарсозлик соҳасидаги муносабатлар Қорақалпоғистон Республикасининг қонун хужжатлари билан ҳам тартибга солинади.
Агар Ўзбекистон Республикасининг ҳалқаро шартномасида Ўзбекистон Республикасининг шаҳарсозлик тўғрисидаги қонун хужжатларида назарда тутилганидан бошқача қоидалар белгиланган бўлса, халқаро шартнома қоидалари қўлланилади.
3-модда. Асосий тушунчалар
Ушбу кодексда қуйидаги асосий тушунчалар қўлланилади:
аҳолини жойлаштириш тизими – мавжуд аҳоли пунктларини ривожлантириш ҳамда янги аҳоли пунктларини барпо этиш йўли билан аҳолини тегишли ҳудудга тартибга солиб бориладиган тарзда жойлаштиришнинг шаҳарсозлик ҳужжатлари билан белгиланадиган асосий йўналишлари;