“Tong sirlari”

1-band :

1. 
   misra: “Xayolim bir uchib ketib qoladir”. Tekshirish uchun olingan barcha to`plamlarda misra oxiriga vergul qo`yilgan. Bog`lovchisiz qo`shma gap orasida ketma-ketlik munosabati ifodalanganligi uchun vergul ishlatilgan.
   
2. 
   misra: “Men ham tizginini qo`yib beramen”. Barcha to`plamlarda misra oxiriga nuqta qo’yilgan. Nuqta belgisi to`g`ri qo`llangan. Chunki tugallangan darak gap oxiriga nuqta qo`yiladi.
   
3. 
   misra: “Zotan, qandoq qilib tutib turamen?- “Tong sirlari” (1926), “Bahorni sog`indim” (1998), “Go`zal Turkiston” (1997), Uch jildlik asarlar (1993), “O`zbek tili va adabiyoti” (1967) da misra oxiriga so`roq belgisi va tire qo`llanilgan. “Yana oldim sozimni” (1991), Tanlangan asarlar (2016) da esa misra oxiriga so`roq belgisi ishlatilgan. Barcha to`plamlarda zotan so`zidan keyin vergul qo`yilgan. Bu so`z kirish so`z bo`lganligi uchun vergul ishlatilishi o`rinli. Gap ritorik so`roq bo`lganligi sabab so`roq belgisi ishlatiladi. Tire ning ishlatilishi noo`rin deb hisobladik. Sababi o`sha davr uchun birdan ortiq tinish belgilarini ishlatilishi o`rinli. Lekin hozirgi o`zbek adabiy tilida undov belgisidan keyin tire ishlatilmaydi, hozirgi holat uchun ikkisidan biri qo`llaniladi.
   
4. 
   misra: “Eng nozik qilimga tegib qoladir”. Barcha nusxalarda misra oxiriga nuqta qo’yilgan.