To’lagan bmi

BENGAL OLOVLARI 

Katta bayram kechalarida yoki istirohat bog‘larida o‘tkazilgan karnaval 

kechalarida mushaklardan pishillab otilib chiqqan qip-qizil yoki ko‘m-ko‘k, sap-

sariq yoki oppoq, yam-yashil yoki gunafsha rangli alanga tim qorong‘u kechani 

yoritib ajoyib, chiroyli manzara hosil qilganini hamma ko‘rgan va hamma biladi.  

Ammo  bu  alangalar  nega  rangli,  ular  qanday  tayyorlanadi  va  nimalardan 

tayyorlanishini hamma bilavermaydi. Siz ko‘rgan o‘sha rangli olovlarni "Bengal 

olovi"  deb  ataydilar.  Nima  uchun?  Shuning  uchunki,  bu  olov  dastlab 

Bengaliyadan-Hindistonda kashf etilgan.  

Ilgari  vaqtlarda  Hind  ruhoniylari  ataylab  yorug‘lik  g‘ira-shira  tushadigan 

ibodatxonalar  qurganlar.  Ana  shu  ibodatxonalarda  diniy  marosimlar  vaqtida 

qo‘qqisdan  qip-  qizil  yoki  yam-  yashil  va  yana  boshqa  ranglarda  olov  yoqib, 

ibodat qiluvchilarga "mo'jiza" ko‘rsatib, ularni juda- juda taajjubda qoldirganlar. 

Keyinchalik  bu  "mo'jiza‖  boshqa  mamlakatlarga  tarqalgan.  Lekin  bunda  rangli 

olovlardan  diniy  maqsadda  emas,  ko‘ngil  ochish  va  boshqa  maqsadlarda 

foydalana boshlaganlar. Nomi esa "Bengal olovi" ligicha qolavergan. 

Bengal  olovi  hosil  qilish  uchun  yondiruvchi  va  yoqilg‘i  moddalarga 

alangani  turli  ranglarga  bo‘yaydigan  metallarning  tuzlarini  aralashtirib 

yondiriladi. 

Yondiruvchi  modda  sifatida  bertole  tuzi,  yonuvchi  modda  sifatida 

oltingugurt  va  ko‘mir,  alangani  rangli  qilish  uchun  stronsiy,  bariy,  mis,  kaliy, 

natriy,  litiy  kabi  metallarning  tuzlaridan  foydalaniladi.  Bengal  olovi 

aralashmalaridan bir nechtasining reseptini ko‘rsatib o‘tish mumkin:    

1. Yashil alanga hosil qilish uchun: 

 a) 9 g bertole tuzi, 10 g oltingugurt, 31 g bariy nitrat tuzi;  

 b) 7,3 g bertole tuzi, 1,7 g oltingugurt, 1 g bor oksidi olish kerak. 

---

 

 

 

 

2. Qizil  alanga  hosil  qilish  uchun:  4  g  bertole  tuzi,  11  g  oltingugurt,  2  g 

pista kumir, 33 g stronsiy nitrat tuzi olish kerak. 

3.  Gunafsha  rangli  alanga  hosil  qilish  uchun:  60  g  bertole  tuzi,  16  g 

oltingugurt,  12  g  kaliy-alyuminiyli  achchiqtosh,  12  g  kaliy  karbonat  tuzi  olish 

kerak. 

4.  Sariq alanga hosil qilish uchun: 61 g bertole tuzi, 32 g oltingugurt, 30 g 

suvsiz soda (natriy karbonat) olish kerak. Ana shu aralashmalarni shar, silindr va 

piramidalar shaklida presslab, raketa va mushak trubkalarini to‘ldiriladi. 

Laboratoriyada  tajriba  qilib  ko‘rish  uchun  yuqorida  ko‘rsatilgan 

nisbatlardan  bir  necha  marta  kam  miqdorda  aralashma  tayyorlash  ma'qul 

(aralashmaning miqdori 4-5 grammdan ortiq bo‘lmasligi kerak). Bu aralashmani 

tunuka yoki g‘isht ustiga uyib qo‘yib, uchi yondirilgan cho‘p bilan uzoqdan turib 

yondiriladi.  Tajriba  ochiq  havoda  o‘tkazilgandagina  aralashma  miqdorini 

ko‘proq olish mumkin.