Tokarlik stanogini geometrik aniqlikka sinash

6. Dastgohlarni pardozlash
Metallarga ishlov berish jihozlarini buyash uchun lakbuyoqlar qoplami atrof muhitning agressiv ta'sir darajasi, foydalanish sharoiti, mahsulot yuzasini pardozlash sifati va qoplam rangini inobatga olgan holda qo‘llanadi. 6.2-jadvalda lakbuyoq qoplamlarining turlari va ularni qo‘llanish sohalari, 6.3-jadvalda esa amaldagi normallar bo‘yicha qoplamlarning tavsiya etiladigan ranglari keltirilgan.
Yuza quyidagi ketma-ketlikda buyaladi: a) mahsulot yuzasi tayyorlanadi; b) ishchi aralashma tayyorlangan yuzaga tushiriladi (buyaladi); buyalgan yuza yakuniy pardoz qilinadi. Eski buyoqni olib tashlashning bir nechta usullari mavjud: 1) ximik – uayt-spirt, skipidar, atseton va h.k. bilan yuvib tashlash yoki 80–90⁰S haroratda 5–10% li yedkoy shelochi rastvori yordamida keyingi suvda yuvish bilan; 2) mexanik – shaber bilan yoki qum purkash apparati yordamida; 3) termik – payal lampasi va boshqa vositalar alangasi yordamida buyoqni olib tashlash.
Dastgohni korroziyadan tozalashning eng yaxshi usuli detallarni drobpurkash yoki qumpurkash bilan ishlov berish hisoblanadi. Tozalangandan keyin 2–3 soatdan kechiktirmasdan gruntovka qilish kerak. Gruntovka yuza korroziyasini oldini oladi. Gruntovka qo‘lda kist bilan, pulverizatorda yoki agar detal katta bo‘lmasi botirib olish bilan amalga oshiriladi. Gruntovka aralashmasi qo‘llanishdan oldin obdon aralashtiriladi va 1 sm² da 1600–2400 ta teshikka ega
bo‘lgan sitodan o‘tkaziladi. Gruntovkalangan yuza uni tekislash va qoplamning tashqi ko‘rinishini yaxshilash maqsadida shpaklyovkalanadi. Shpaklyovka qatlamining qalinligi 2 mm dan ortiq bo‘lmasligi kerak. Shpaklyovka yuzaga rezin, metall yoki yog‘och shpatelda tushiriladi. Shpaklyovka quriganidan keyin notekisliklarni tekislash uchun №80-100 shkurka bilan, yakuniy pemza yoki suvga chidamli shkurka bilan obdon polirovkalanadi.

6.2-jadval Qoplamlarning tavsiya etiladigan ranglari