Tmg25: Zentralwelle, Hohlradwelle

2. Konstruksiyalar puxtaligining muammolari.

So‘xta. Detallar sirtiga kuchli qizigan gazlar hamda yonilg‘i va moyning yonish mahsullari ta’sir etishi natijasida so‘xta yuzaga keladi. So‘xta issiqlik uzatilish jarayoni me’yorida kechishini buzadi, buning natijasida esa detallar haddan tashqari qizib ketadi, ba’zi hollarda ular sirtidan darz ketadi.
Zanglash (korroziy). Transport mashinalarining qanotlari, kapoti va kabinasining qoplamasi zanglashga eng ko‘p duchor bo‘ladi. Kimyoviy zanglashga metallarga quruq gazlar ta’sir etishi oqibatida paydo bo‘ladigan shikastlanishlar kiradi. Elektr-kimyoviy zanglash elektroliz ta’sirida ro‘y beradi.
Eskirish. Materiallarning mexanik xossalari ularning eskirishi natijasida yomonlashadi. Buyumlarning eskirishi atrof-muhit (havo kislorodi, past harorat, yorug‘lik) hamda ishlatish sharoiti (haroratning, namlikning o‘zgarishi, abrazivlar va hokazo) ta’sirida ularning fizik-kimyoviy xossalari o‘zgarishidan iborat. Materialning eskirishi oqibatida metallmas materiallardan yasalgan detallarda darzlar paydo bo‘ladi, ularning elastlikligi va mustahkamligi pasayadi.

3. Konstruksiyalar puxtaligining asosiy tushunchalari.

Puxtalik nazariyasi mashinalarda ishlamay qolishlarning kelib chiqish qonunlarini o‘rganadi. Puxtalikka doir atamalar va ta’riflar andozalashtirilgan bo‘lib, ulardan ba’zilari quyida keltirilgan.
Ishlash jarayonida mashina tuzuk, ishlashga layoqatli, nosoz va ishlashga layoqatsiz holatlardan birida bo‘lishi mumkin.
Mashinalarning puxtaligini o‘rganishda turli-tuman ob’yektlar ko‘rib chiqiladi. Qo‘yilgan vazifaga qarab ob’yekt mashinaning alohida detali, kinematik juftligi, agregati yoki mashinaning o‘zi bo‘lishi mumkin.
Ishlash qobiliyati - ob’yektning shunday holatiki, bunda uning beril gan vazifalarni bajara olishini ifodalovchi barcha ko‘rsatkichlarning qiymatlari me’yoriy-texnik va konstruktorlik hujjatlarining talablariga mos keladi. Me’yoriy-texnik va konstruktorlik hujjatlari deganda davlat andozalari, texnikaviy shartlar, maxsulotning pasporti va boshqa texnik hujjatlar tushuniladi.