Tálimde jańa texnologiyalar

Házirgi zamanda hár bir tálim beriwshi hám tálim alıwshıdan talap etiledi

• 
  
  
• 
  Aralıqtan oqıtıwda paydalanıw ushın eń jaqsı maslasqan tálim texnologiyaları qatarına tómendegilerdi kiritıw múmkin .
  

• video lekciya
• multimediyalı lekciya hám laboratoriya ámeliyatları;
• elektron multimediyalı sabaqlıqları;
• kompyuterli oqıtıw hám test alıwsıi sistemalar;
• imitaciyalıq modeller hám kompyuterli trenajyorlar;
• telekomunikaciya qurallarınan paydalanıw ushın máslahátler hám testler;
• videokonferenciyalar
Aralıqtan oqıtıwda telekomunikaciya texnologiyalarınıń tiykarǵı wazıypasi – oqıw munásibetti támiyinlew. oqıtıwshı hám tıńlawshı arasındaǵı turaqlı baylanıssız oqıtıw múmkin emes. oqıtıwdıń kúndizgi formasında baylanıs imkaniyatı oqıw procesin shólkemlestiriw forması, oqıtıwshı hám tıńlawshınıń bir jerde hám bir waqıtta bolıwın talap etedi. Aralıqtan oqıtıwda bolsa, oqıw baylanısı telekomunikaciya texnologiyası arqalı ámelge ásırılıwı zárur.
Kommunikaciya texnologiyaların on-line hám off-line túrlerine ajıratıw múmkin. Bulardıń birinshisi haqıyqıy waqıtta xabar almasıwın támiyinleydi, yaǵnıy jiberiwshi tárepinen jiberilgen maǵlıwmat, adresattıń kompyuterine jetkennen soń, sol waqıttıń ózinde shıǵarıw qurılmasına jiberiledi.
Off-line texnologiyalarınan paydalanǵanda, alınǵan maǵlıwmatlar adresat kompyuterinde saqlanadı. Paydalanıwshı olardı arnawlı baǵdarlamalar arqalı ózine qolay waqıtta kóriwi múmkin.
Baylanıs haqıyqıy waqıtta (on-line)da ámelge ásirilatuǵın kúndizgi oqıtıwdan parıqli ráwishte, aralıqtan oqıtıwda ol qaytarma tártip (off-line)da hám bolıwı múmkin.
Off-line texnologiyaniń tiykarǵı jeńilligi – kompyuter resurslarına hám baylanıs liniyalarına ótkeriw qabıletine qoyılatuǵın talaplar kemliginde. Olar hátte kommutaciyalanatuǵın liniyalar (Internetke turaqlı jalǵanıw imkaniyatı bolmaǵan jaǵdaylarda ) boyınsha Internetke jalǵanıwında da paydalanılıwı múmkin. Usi túrdegi texnologiyalar quramına elektron pochta, jóneltpeler dizimi hám telekonferenciyalardı kiritıw múmkin. LIST-server járdeminde oqıw xabarların jiberiwdi shólkemlestiriw múmkin, elektron pochta arqali oqıtıwshı hám tıńlawshı arasında jeke baylanıs ornatıladı, telekonferenciya bolsa, ózine tán quramalı bolǵan máselelerdi yamasa kurstıń qıyınshılıq tuwdıratuǵın sorawların jámáátte dodalawdi shólkemlestiriw imkaniyatın beredi. Bul texnologiyalar Internetke jalǵanǵan kompyuterler arasında maǵlıwmat almasıw imkaniyatın jaratadı.
Off-line texnologiyasınıń ústinligi sonda, elektron pochta hám telekonferenciyalar menen islew ushın dásturiy qurallardi tańlaw imkaniyatınıń keńliginde. Zamanagóy pochta baǵdarlamalarında maǵlıwmatlardı gipertekstli kóriniste (yaǵnıy gipermúrájáátler tekstlerdiń shriftin hám reńin ajıratılǵan kórinisleri, grafikalıq kórinislerdi jaylastiriw menen) uzatıw imkaniyatı bar. Bunnan tısqarı xatqa qálegen formattaǵı, máselen, MS Word formatindaǵı fayildı uzatıwda fayllardi biriktiriw múmkin. Off-line texnologiyanıń nátiyjeligi kúndelik máslahat, tekseriw hám ózbetinshe jumıslar tiykarında oqıtıwshi tárepinen «qolda» tekseriletuǵın kúndelikli tekseriwlerde kórinedi.
On-line texnologiyalarınan dáslep, ınternet arqalı haqıyqıy waqıtta tekstli maǵlıwmatlar almasıwın ámelge asırıw imkaniyatın beretuǵın Chat- ti aytıwımız kerek. Eń ápiwayı jaǵdayda baylanıs eki paydalanıwshı ortasında ámelge asırıladı. Toparliq sáwbet ushın arnawlı IRC-serverine jalǵanıw zárur. Ol jaǵdayda jumıs paytında paydalanıwshı óz aldında maǵlıwmat jiberiwshisi tárepinen kórsetilgen maǵlıwmatti ekranda kóredi. Kóplegen baǵdarmalardiń, sonıń menen bir qatarda, paydalanıwshılar ishinen basqa paydalanıwshılardan ajıralǵan kimseni «menshik» baylanısqa shaqırıw imkanyatı bar.


Aralıqtan oqıtıw kursları arnawlı Web saytlar arqalı ámelge asırıladı

Sayttı jobalastırıwda onıń maqseti itibarǵa alınadı. Sayt mazmunına qarap onıń dizaynı, navigaciya sxemaları hám hár bir betliktiń kontenti anıqlanadı. Sayt dúzilisi boyınsha sızıqlı, ierarxiyalıq (tarmaqlanıwshı, tákirarlanıwshı, aralas) bolıwı múmkin.