Титр: “Ижтимоий ҳимоя ягона реестри”: аҳолига ижтимоий ёрдам кўрсатишда янги, шаффоф ва адолатли тизим!

Титр:
“Ижтимоий ҳимоя ягона реестри”: аҳолига ижтимоий ёрдам кўрсатишда янги, шаффоф ва адолатли тизим!

Эндиликда ижтимоий нафақалар – бола 2 ёшга тўлгунгача уни парвариши бўйича, 14 ёшгача болалари бўлган ва кам таъминланган оилаларга моддий ёрдам тайинлаш ва тўлаш янги механизм асосида амалга оширилади.

Унга кўра, ижтимоий нафақаларни тайинлаш учун фуқаронинг муҳтожлигини ўзи аниқлайдиган, нафақаларни ўзи тайинлайдиган автоматлашган “Ижтимоий ҳимоя ягона реестри” ахборот тизими жорий этилади.
Демак, ёрдамга муҳтож оилалар қоғозбозликка кўмилиб, 30 дан зиёд маълумотнома йиғишига ҳожат қолмайди. Яъни, батамом қоғозбозликдан воз кечилади, барча ижтимоий ёрдам бир хил мезон ва бир хил ҳужжат асосида осон ва қулай тарзда тақдим этилади.


1-қадам: Мурожаат қилиш
Дастлабки босқичда ижтимоий нафақага муҳтож оила ҳар ойнинг 15-санасигача яшаш жойи бўйича Маҳаллага ариза беради. Бу жараён кескин енгиллашмоқда, энди Ягона реестр учун оила аъзоларининг бор-йўғи паспорти, туғилганлик тўғрисида гувоҳнома ва никоҳни қайд этиш тўғрисида гувоҳнома нусхалари илова қилинади холос.
Сўнгра 2 иш куни давомида ариза берувчининг маълумотлари Пенсия жамғармасининг туман ёки шаҳар бўлимларига тақдим этилади.


2-қадам: Маълумотларни дастурга киритиш

Пенсия жамғармасида оиланинг муҳтожлигини аниқлаш учун зарур маълумотлар – паспорт, никоҳ тўғрисидаги гувоҳнома, туғилганлик тўғрисида гувоҳнома, оиланинг таркиби ва даромадлари 2 иш куни мобайнида Ягона реестрга киритилади.


3-қадам: Оила даромадлари ва мол-мулкини ўрганиш

Оиланинг муҳтожлигини аниқлаш учун зарур бўладиган бошқа маълумотлар эса Ягона реестр орқали солиқ, кадастр, ички ишлар, меҳнат ва бошқа давлат идораларидан автоматик равишда электрон тарзда олинади.

4-қадам: Даромад мезони ва ҳисоблаш тартиби

Дастурда оиланинг ҳар бир аъзосига тўғри келадиган ўртача бир ойлик даромаднинг юқори чегараси 358 минг сўм қилиб белгиланган.

Оиланинг ҳар бир аъзосига тўғри келадиган ўртача бир ойлик даромад эса мурожаат қилинган ойдан аввалги охирги уч ой учун ҳисобланади ва оила аъзолари сонига бўлиш орқали аниқланади.


5-қадам: Нафақани тайинлаш ёки рад этиш
Энг муҳими – нафақани тайинлаш ёки рад этиш тўғрисида қарор инсон омилисиз Ягона реестр томонидан автоматик тарзда қабул қилинади ва бу ҳақда аризачи СМС орқали хабардор қилинади.

Ягона реестри автоматик тарзда аризаларни рад этиши мумкин бўлган ҳолатлар ҳам мавжуд. Хўш, қандай ҳолларда аризалар рад этилади?

Биринчи навбатда, агар оиланинг ҳар бир аъзосига тўғри келадиган даромад миқдори 358 минг сўмдан ортиқ бўлган тақдирда.
Шунингдек, оила таркибида меҳнатга лаёқатли ва меҳнат органларида “ишсиз” сифатида рўйхатда турмаган аъзоси бўлганда;
Оила аъзоларининг номида охирги 7 йил давомида ишлаб чиқарилган ёки 2 ва ундан ортиқ транспорт воситаси мавжуд бўлса, қолаверса, 2 ва ундан ортиқ кўчмас мулкка эгалик қилса ариза ахборот тизими томонидан рад этилади.


6-қадам: Электрон тўлов ведомостларини шаклантириш

Дастур томонидан нафақани тайинлаш тўғрисида қарор қабул қилингач ҳар ойнинг 4-санасигача электрон ведомостлар автоматик равишда шакллантирилиб, тижорат банкларига юборилади.

Эътибор бериш зарур, Ягона реестр ҳар бир оила аъзосига нисбатан кам даромад тўғри келувчи оилаларга ажратилган маблағлар доирасида танлаб олади.
Шундан сўнг ҳар ойнинг 5-25 санасида тижорат банки филиаллари электрон тўлов ведомостларига асосан ижтимоий нафақа, моддий ёрдам ва пул компенсацияси тўловларини нақд ёки пластик карта орқали амалга оширади.


Янги ахборот тизими ёрдамида яна ижтимоий ҳимояга муҳтож фуқаро ва оилаларга давлат томонидан кўрсатиладиган барча ёрдам турлари – болаларнинг бепул боғчага қатнаши, ўқувчиларни бепул дарсликлар тўплами билан таъминлаш, соғлиқни сақлаш муассасаларида бепул ёки имтиёзли тиббиёт хизматларини кўрсатиш, ипотека кредитлари учун бошланғич бадални тўлаш қамраб олинади.


Титр:
“Ижтимоий ҳимоя ягона реестри”: аҳолига ижтимоий ёрдам кўрсатишда янги, шаффоф ва адолатли тизим!