Тисодий самарадорлигини ошириш

Тадқиқотнинг илмий янгилиги қуйидагилардан иборат:
ички туризм салоҳиятидан самарали фойдаланишни таъминловчи илм-фан, транспорт-логистика, сервис, туристик-рекреацион тузилмаларини интеграцияловчи агроэкотуристик кластерини Миронкул қишлоғида шакллантириш таклифи асосланган;
ички туризм хизматларини тақдим этиш бўйича стандартларни яшил маршрутлар паспортига маршрут харитаси ва кадастрини киритиш орқали экологик ва агротуризмни ташкил этишнинг халқаро стандартларига мос равишда такомиллаштириш таклифи асосланган;
«туризм қишлоқлари»да агроэкотуризмни ривожлантириш ва «туристик кластерлар»ни шакллантириш асосида ҳудуднинг туристик салоҳиятидан янада самаралироқ фойдаланишга йўналтирилган ички туризм соҳасини 2022-2025 йилларда ривожлантиришнинг прогноз параметрлари ишлаб чиқилган;
туризм мобиллик даражасига таъсир этувчи ахамиятли омилларни аниқлаш услуби ички туристик оқимга соғломлаштириш, дам олиш ва жойлаштириш инфратузилмасининг таъсирини ҳисобга олиш асосида такомиллаштирилган.
Тадқиқотнинг амалий натижаси қуйидагилардан иборат:
ички туризмнинг ижтимоий ва иқтисодий функциялари белгиланган;
«туристик фаолият» ва «туристик маҳсулотнинг қиймат занжири» тушунчаларининг туризм соҳаси ижтимоий-иқтисодий самарадорлигини тадқиқ этиш услубиятининг асосий унсурлари сифатидаги мазмуни ва моҳияти очиб берилган;
ички туризм соҳасида койка фондидан фойдаланиш самарадорлиги, жой сиғими самарадорлиги, меҳнат унумдорлиги кўрсаткичларини корреляцион боғлиқлик орқали меъёрлаштириш асосида ҳудудда ички туризм ривожланиши ижтимоий-иқтисодий самарадорлигининг интеграл кўрсаткичини баҳолаш услуби такомиллаштирилган;
ҳудудда ички туризм ривожланиши ижтимоий-иқтисодий самарадорлигининг интеграл кўрсаткичи ва уни баҳолаш методикаси асосида тегишли давр ва Ўзбекистон Республикаси алоҳида ҳудудлари кесимида ички туризмнинг ривожланиши ижтимоий-иқтисодий самарадорлиги баҳоланган;
Миронкул агроэкотуристик кластерининг тузилмаси ва интерактив харитаси, шунингдек мазкур кластерни шакллантириш механизми: усуллари, элементлари ва воситалари бўйича илмий-амалий таклифлар ишлаб чиқилган.