Tish chiqqunga qadar (tish kurtagi rivojlanish gistogenezi) tish qattiq to’qimalarida paydo bo’ladigan nokaries kasalliklar. Tasnifi. Tish kurtagi rivojlanish davrida tish qattiq to’qimalarida paydo bo’ladigan patologiya

Diametri 1 mm dan 4 mm gacha, yumaloq shaklda bo’ladi. Lokalizatsiyasi bo’yicha ildiz, bo’yin oldi va toj emal tomchilari farqlanadi. Tarkibiy tuzilishi jihatidan bir nechta xillari farqlanadi: chin emal tomchilari; emal-dentin va pulpali tomchilar; Rodriges-Ponti emal tomchilari (periadontda tugunlar ko’rinishida); tish ichi emal tomchilari; bo’yin oldi emal tomchilari va ildiz emal tomchilari. Davolash. Faqat bo’yin oldi sohadagi emal giperplaziyasida davolash muolajasini o’tkazish mumkin – ularni avval polirovkalab 7-10 kun davomida ftor saqlovchi pastalar bilan applikatsiyalar o’tkaziladi.

TISH MILKNI YORIB CHIQQANIDAN SO‘NG HOSIL BO‘LGAN NUQSONLAR

Patologik yedirilish

Har qanday tish yoshga qarab sekin-asta yediriladi. Ushbu yedirilishni fiziologik yedirilish deyiladi. Lekin ayrim hollarda yedirilish tez kechadi va bu yedirilishni patologik yedirilish deyiladi. Patologik yedirilish anomaliyali prikuslarda, yomon odatlar oqibatida, zararli ishlab chiqarish omillari ta’sirida, masalan havoda kislota parlari ko‘p bo‘lganida sodir bo‘ladi. Tishlar yedirilishi yuqori va pastki jag‘larni bir-biriga yaqinlashtiradi. Bu esa prikus balandligining pasayishiga va natijada yuz shaklining o‘zgarishiga olib keladi. Ayrim hollarda patologik yedirilishda bemor gipersteziyadan (sezuvchanlik) shikoyat qiladi. Patologik yediri lishni davolash tish qatorlariga olinadigan yoki olinmaydigan orto pedik protezlar tayorlash, modda almashinuvini yaxshilash va kalsiy preparatlarini qabul qilishga qaratiladi, avvalambor, patologik yedirili shni keltirib chiqargan sababchi faktor bartaraf etiladi, gipersteziya davolanadi. Ortoped stomatolog bilan maslahatlashgan holda prikus balandligi tiklanadi.

Patologik yedirilish

Ponasimon nuqson Ponasimon nuqson o‘rta va katta yoshdagi insonlarda uchraydi. Kasallikning kelib chiqishida mexanik ta’sir muhim o‘rin tutadi. Tishlarning vestibulyar yuzasining bo‘yin qismida «V» shaklida nuqson paydo bo‘lishi bilan xarakterlanadi. Ko‘pincha premolyarlarda kuzatiladi. Nuqson yuzasi silliq, yaltiroq, qattiq bo‘ladi. Kasallik sekin, ikkilamchi dentin hosil bo‘lishi bilan kechadi. Shuning uchun ko‘pincha bemor og‘riqlardan shikoyat qilmaydi. Ayrim hollarda bemorlar ximik, termik, mexanik ta’sirlardan hosil bo‘lgan qisqa muddatli og‘riqdan va albatta kosmetik nuqsondan shikoyat qilishadi.