Tir convention Uzbekistan

Ilova 8
XYT MA’MURIY QO‘MITASI VA IJROIYA KENGASHI TARKIBI, 
FUNKSIYALARI VA TARTIB-QOIDALARI*
MA’MURIY QO‘MITANING TARKIBI, FUNKSIYALARI VA TARTIB-
QOIDALARI*
1-modda
i) Ahdlashuvchi tomonlar Ma’muriy qo‘mitaning a’zolari hisoblanadi.
ii) Qo‘mita Ahdlashuvchi tomonlar hisoblanmaydigan, mazkur Konvensiyaning 
52-moddasining 1-bandida ko‘rsatib o‘tilgan mamlakatlarning vakolatli organlariga, 
yoki xalqaro tashkilotlarning vakillariga ularni qiziqtiruvchi masalalar muhokama 
qilinayotgan vaqtda kuzatuvchilar sifatida Qo‘mitaning sessiyalarida ishtirok etishga 
ruxsat berishi mumkin.
1-bis moddasi*
1. Qo‘mita 59-moddaning 1- va 2-bandlariga muvofiq Konvensiyaga har qanday 
taklif etilgan tuzatishni ko‘rib chiqadi.
2. Qo‘mita Konvensiyaning qo‘llanilishi ustidan kuzatib boradi va Konvensiya 
doirasida Ahdlashuvchi tomonlar, birlashmalar va xalqaro tashkilotlari tomonidan 
amalga oshiriluvchi har qanday choralarni o‘rganadi, va ularning uning qoidalariga 
muvofiq kelishini tekshiradi.
3. XYTning Ijroiya kengashi yordami orqali Qo‘mita milliy va xalqaro darajalarda 
Konvensiyaning qo‘llanilishi ustidan kuzatuvni olib boradi va uni amalga 
oshirilishida yordam ko‘rsatadi.
4. Qo‘mita 9-ilovaning III-qismi bo‘yicha majburiyatlarni bajarish maqsadida 
xalqaro tashkilot tomonidan taqdim etiluvchi yillik tekshirilgan moliyaviy 
hisobotlarni va auditorlik xulosalarini qabul qiladi va tahlil qiladi. O‘zining tahlili 
davomida va doirasida Qo‘mita xalqaro tashkilotdan yoki mustaqil tashqi 
auditordan qo‘shimcha ma’lumotlarni, izohlarni yoki hujjatlarni so‘rab olishi 
mumkin.
5. 4-bandda ko‘rsatilgan tekshirishlar uchun zarar yetkazmasdan, Qo‘mita xavflarni