Tir convention Uzbekistan

kerak va ularga shu ilovaning II-qismida o‘rnatilgan tartibda tashishga ruxsat 
berilishi kerak.
2. Konteynerlarga taalluqli bo‘lgan 1956 yildagi Bojxona konvensiyasiga, undan 
kelib chiqadigan, Birlashgan Millatlar Tashkiloti maqomi ostida tuzilgan 
konteynerlarga taalluqli bo‘lgan 1972 yildagi Bojxona konvensiyasiga yoki ushbu 
oxirgi Konvensiyani o‘rnini bosishi yoki o‘zgartirishi mumkin bo‘lgan har qanday 
xalqaro hujjatlarga muvofiq bojxona muhrlari va plombalari ostida yuklarni 
tashishga ruxsat berilgan konteynerlar yuqorida keltirilgan 1-bandning qoidalariga 
muvofiq deb ko‘riladi va yangi ruxsat berilmasdan, XYT tartibiga rioya qilgan 
holda tashishga qabul qilinishi kerak.
 

---

 
14-modda
1. Har bir Ahdlashuvchi tomon yuqoridagi 12 va 13-bandlarda bayon etilgan 
shartlarga javob bermaydigan yo‘l transport vositalari yoki konteynerlarga berilgan 
ruxsatning haqiqiyligini tan olmaslik huquqini o‘zida qoldiradi. Shunga 
qaramasdan, aniqlangan nosozliklar ahamiyatsiz bo‘lib, kontrabanda uchun
imkoniyat yaratmaganda, Ahdlashuvchi tomonlar transport vositalari yoki 
konteynerlarni ushlab turmasliklari kerak.
2. Bojxona muhrlari va plombalari ostida yuklarni tashish uchun, yangidan 
foydalanishdan oldin ruxsat berilishiga asos bo‘lgan shartlarni endi qondirmaydigan 
har qanday yo‘l transport vositasi yoki konteyner dastlabki holatiga keltirilishi 
kerak, yoki qaytadan ruxsat berish tartibidan o‘tishi kerak. 
b) XYT KITOBCHASIDAN FOYDALANGAN HOLDA TASHISH TARTIBI
15-modda
1. XYT tartibiga rioya qilgan holda yuklarni tashish uchun foydalanadigan yo‘l 
transport vositasini, transport vositasi tarkibini yoki konteynerni vaqtinchalik olib