Tilshunoslik ma‘ruzachi

XX. Hech qanday tillar guruhiga kirmagan Uzoq Sharq tillari:
1) yapon tili. Yaponiyaning (poytaxti Tokio) davlat tili bo‘lib, bu tilda 100 millionga yaqin kishi so‘zlashadi;
2) ryukyu tili. Bu tilda so‘zlashuvchilar Ryu-Kyu orolida yashaydi;
3) quriya (koreya) tili. Quriya Xalq Demokratik Respublikasining (poytaxti Pxen‘yan) davlat tili va Janubiy Quriya Respubilkasining (poytaxti Seul) davlat tili bo‘lib, bu tilda 60 milliondan ortiq kishi so‘zlashadi;
4) ayn tili. Bu tilda so‘zlashuvchilar 18 mingga yaqin bo‘lib, ular Yaponiyaning shimolidagi Xokkaydo orolida yashaydi.
XXI. Burjaski tili. Bu til ham hech qanday guruhga kirmaydi. Bu tilda so‘zlashuvchilar 30 mingga yaqin kishi bo‘lib, ular Hindistonning shimolida, Qorakorum dovonlarida yashaydi.
Shuni ham alohida ta’kidlab o‘tish kerakki, geneologik tasnif har bir tilning kelib chiqishini, tarixiy taraqqiyotini, tillarning o‘zaro munosabatini hozirgi ahvolini va shu kabi qator masalalarni chuqur o‘rganishni talab qiladi. Lekin anchagina tillar bu jihatdan ham chuqur tekshirilib o‘rganilmagan. Shuning uchun bu tillarning qaysi tillar bilan qardosh ekanligi, qaysi til oilasiga, qaysi til guruhiga mansub ekanligi ham hali hal qilinmagan.
Adabiyotlar:

• Xolmanova Z. Tilshunoslikka kirish. Toshkent. 2017

2. Введение в языкознание: Учебное пособие/ А.А. Гируцкий. – 2 изд., стер.- Мн.: «Тетрасистемс», 2003. – с. 5-16.
3. Маслов Ю.С. Введение в языкознание: Учеб. для филол. спец. вузов. - 2 изд., перераб. и доп. – М.: Высш. шк., 1987. – с. 7-32.