Tilshunoslik fani – til haqidagi fan Tilshunoslik fanining obyekt va predmeti

Artikulyatsiya usuli deganda tovush hosil qilish paytida nutq a’zolarining qanday holatda harakat qilishi tushuniladi. Masalan, v, z, y, x, sh, h kabi tovushlarni talaffuz qilganda nutq a’zolari bir-biriga yaqinlashadi, ammo havo oqimining chiqishi uchun torgina oraliq qoladi, havo oqimi ana shu oraliqdan sirg‘alib chiqadi va bunday tovushlar artikulyatsiya usuliga ko‘ra sirg‘aluvchi tovushlar nomini oladi. Portlovchi tovushlarni hosil qilishda esa havo oqimi jipslashgan a’zolar orasidan portlab chiqadi.

Tillarning artikulyatsion bazalari bir-biridan farq qiladi. Masalan, ruscha tovushlarni hosil etishda nutq apparati bir tarzda harakat qilsa, o‘zbekcha tovushlarni hosil etishda bir qadar boshqacha harakat qiladi.