Tili va adabiyoti universiteti

Yosh bilak
— nurli tilak Porlasin, hech soʻnmasin. 
Yosh bilak
— oʻtli yurak Hech 
umidsiz boʻlmasin. 
(Yoshlar uchun. BSh. 36); 
Bir nafas tinch qolganimda orqa-oʻngga bir 
qaray, Kechdigim yoʻllarda qolgan 
turli izlarni
sanay. 
Turli izlar
koʻnglidan tilsimli sirlarni 
soʻray, Soʻngra turmush ka’basinda sajdalarga bir qaray
.(Oyli tun. BSh. 82).
Quyidagi matnda esa 
qon
va 
non
soʻzlarining takrori jumla (gap) takrori bilan 
uygʻunlashib ketgan. Natijada fikrni kengroq, batafsilroq ifodalash bilan birga kuchli 
ekspressivlik yuzaga kelgan. Shuningdek, matnda 
erk soʻraydi
, 
yoʻl tilaydi
kabi jumlalar 
takrorini ham koʻramiz. 
Qon, 
Qon, 
Qon!.. 
Qon soʻraydi, qon soʻraydi 
Qon kuchaytgan saltanatlar. 
Erk soʻraydi, erk soʻraydi 
Qonga botgan Marhamatlar... 
Non, 
Non, 
Non!.. 
Non tilaydi, non tilaydi 
Kuch sotuvchi yoʻqsil ellar. 
Yoʻl tilaydi, yoʻl tilaydi 
Qonga qarshi oʻchli yellar...
[Zolimlar oʻlkalarida: 56]. 
Tahkidlash kerakki, Botu ijodi takrorlarni oʻrganish uchun yaxshi manba boʻla oladi. 
Unda takrorning barcha koʻrinishlariga koʻplab misollarni keltirish mumkin. Shoir ijodida 
takrorning oʻrni haqida jadidlar asarlari tili tadqiqotchisi Yo.Sayidov ham doktorlik 
dissertatsiyasida bir qancha fikrlar keltirgan. Uning yozishicha, Botu ijodidagi takrorlar 
badiiyatning goʻzal namunasi boʻla oladi.[Sayidov, 2018:164].
Bizningcha, Botuning takrorga koʻp murojaat qilishida ham ramziy ma’no bor. Odatda, 
biron muhim masalani hal qilishda uning natijasi uchun ayrim masalalarni takror-takror 
aytishdan toliqmaymiz. Botu ham oʻz istaklari roʻyobini koʻrish uchun takrorlardan 
charchamagan. Toʻgʻri, ayrim oʻrinlarda ortiqcha takrorlar she’rning poetik qimmatiga ta’sir 
qilgan boʻlsa-da, bu yosh, erksevar shoirning qalb mavjlari hosilasidir.
Umuman, Botu asarlari tilini oʻrganishda takror alohida ehtibor talab etuvchi 
vositalardandir. Shoir mazkur til imkoniyatidan unumli foydalanib, uni nafaqat matnni 
shakllantiruvchi, balki turli badiiy niyatini yoritishga xizmat qiluvchi poetik vosita darajasiga 
ham koʻtara olgan. Botu asarlarining til xususiyatlarini oʻrganish oʻzbek tilshunosligi oldidagi 
navbatdagi vazifalardan hisoblanadi.