Til va adabiyot fanlari tavsifi

Nazorat ishi va tahlili
IV BO‘LIM. KASBIM – FAXRIM

(11 soat)
Kasbmi, hunar?
Kasb-hunarga oid atamalar, olinma so‘zlar, ularning talaffuzi va imlosi. Berilgan matn tarkibidan ularni ajrata olish, ularning izohini lug‘at yordamida aniqlash mashqlari.
So‘roq olmoshlari. So‘roq nima haqida(shaxs, narsa, belgi, payt, o‘rin, miqdor va sabab-maqsad so‘roqlari)? So‘roq gaplarni hosil qilishda so‘roq olmoshlarining ishtiroki. Gapni so‘roq gapga aylantirmagan so‘roq olmoshlari (Qayerda ahillik bo‘lsa, shu yerda baraka bo‘ladi).
“Kim aybdor?” mavzusida o‘qituvchi tashlagan muammoli vaziyat yuzasidan bahslashish. Bahsda gumon olmoshlaridan o‘rinli foydalanish.
“O‘n yildan so‘ng men… ” mavzusida matn yaratish. Matnda ko‘rsatish olmoshidan o‘rinli foydalanish, o‘qilgan matnga munosabat bildirish. Orzu va rejaning farqi.
Ko‘makchilarning ma’nolari. Tobe so‘zni hokim so‘zga bog‘lash uchun ko‘maklashuvchi vositaning ma’no turlari, ularning qo‘shimchalar bilan ma’nodoshligi, ulardan nutqda to‘g‘ri foydalanishga oid mashq va topshiriqlar.
Veterinar (kasbning muhimligi haqida)
Olinma so‘zlar, shifokorlikka oid til birliklari bilan tanishish. Ularning talaffuzi va imlosiga oid mashq va topshiriqlar.
Berilgan matn yordamida veterinar kasbining asosiy vazifalari bilan tanishish. Matndan ko‘zlangan maqsadni anglay olish, matn qaysi toifadagi o‘quvchiga mo‘ljallanganini, u qanday kontekstda yozilganini aniqlash bilan bog‘liq mashq va topshiriqlar.
Belgilash olmoshlari. Jamlik ma’nosini ifodalovchi belgilash olmoshlari. Ajratib ifodalovchi belgilash olmoshlari. Belgilash olmoshining tuzilishi va yozilishi. “O‘zimiz ham belgilash olmoshini hosil qilamiz” mavzusida bahs (har kim – olmosh, har kun – ravish, har kungi – sifat).