«Til ósiriw»

Kegeyli rayonı Mektepke Shekemgi Bilimlendiriw bólimine qaraslı № 6-sanlı Mektepke Shekemgi

Bilimlendiriw mekemesi tárbiyashısı

Utemuratova Rozanıń

« Til ósiriw » sabaǵınan

“Men hám meniń dene aǵzalarım”

atlı temada bir-saatlıq sabaq islenbesi

Sabaq: Til ósiriw

Sabaq teması: “Men hám meniń dene aǵzalarım”

Sabaq maqseti: Balalar dene aǵzaları haqqında túsinikke iye boladı,Dene aǵzalarınıń atların tolıq ayta aladı, Sóylew arqalı balalardıń til baylıǵın asırıw.

Sabaq metodı: Awızeki soraw juwap.

Kútiletuǵın nátiyje: Balalar dene aǵzaların bilip aladı hám qqanday ornı bar ekenligin gápte durıs qollanıwǵa úyrenedi.

Kerekli qurallar: Dene aǵzaları súwretleri.

Sabaq barısı:

Shólkemlestiriw: Sálemlesiw, balalardıń dıqqatın tárbiyashıǵa qaratıw,ótken sabaqtı eske túsiriw, sáne hám búgingi taza taqırıptı aytıw, sorawlar berip juwaplar alıw.



Tárbiyashı: Balalar búgin sizler menen dene aǵzalarıńız benen tanısamız.

Basımız domalaq, shashlarımız hár túrli reńde boladı. Kózimiz kóriw ushın kerek.

Kózimizdi jumsaq hesh nárse kórinbey qaladı.

Qulaǵımız esitiw ushın, eger qulaǵımızdı basıp tursaq hesh zat esitpeymiz.

Murnımızdan dem alamız, iyis sezemiz.

Awzımız benen dám sezemiz.

Tilimiz sóylew ushın kerek.

Qolımız ekew, hár qolda bes barmaǵımız boladı, qol uslaw ushın kerek.

Balalar dene aǵzalarımızdıń bir-birin qaytalamaytuǵın xızmetlerin durıs hám anıq aytıp tariyplep beriw.

Balalar sizler menen sharshaǵanımızdı shıǵarıwımız ushın denemizdi shınıqtıramız.

Oyın:

Azanda erte turaman,

Háwlide juwıraman,

Balıq bolıp júzemiz,

Samal bolıp esemiz,

Ayıw bolıp júremiz,

Qoyan bolıp sekiremiz,

Ayıwdıń úyi úlken,

Qoyannıń úyi kishi.

Juwmaqlaw:

Tárbiyashı: Balalar búgin sabaqqa hámme jaqsı qatnastı hámmeńizge raxmet.