Tijorat banklarining valyuta operatsiyalari

15.3. Valyutaning almashtirish kurslari.

• Valyuta kursi - bu bir mamlakat pul birligining boshqa mamlakatlar pul birliklarida ifodalangan bahosidir. Valyuta kursini o’rnatish kotirovkalash deb ataladi. Agar xorijiy valyuta birligining bahosi milliy valyutada ko’rsatilsa, ya’ni milliy valyutada xorijiy valyutaning bir birligiga to’g’ri keladigan miqdorda ko’rsatilsa, to’g’ri kotirovkalash deb ataladi. Masalan, 2012 yilning 20 avgustiga 1 AQSH dollarining qiymati o’zbek so’miga nisbatan 1897,58 so’mni tashkil etdi.
• Undan tashqari teskari kotirovkalash degan tushuncha ham bor. Teskari kotirovkalashda bir birlik milliy valyutaning xorijiy valyutalardagi miqdori o’rnatiladi, ya’ni bir birlik milliy valyutaning xorijiy valyutadagi bahosi ko’rsatiladi, masalan:
• 1 so’m = 0,00053 AQSH dollari yoki
• 1 AQSH dollari = 1897,58 so’m

Agarda ikki valyuta o’rtasidagi nisbat qandaydir uchinchi valyutaga nisbatan olnngan kurslarida aniqlansa, bunday nisbatni «kross-kurs» deb ataladi.

Ko’pchilik mamlakatlarda valyutalarni to’g’ri kotirovkalash qabul qilingan, faqat Angliya funt sterlingi, Avstraliya dollari va eKYUning kursi teskari kotirovkalash yordamida o’rnatilib kelingan.