Тижорат банклари фаолиятининг мазмуни ва назарий асослари

Татқиқот предмети тижорат банклари рентабеллигини бошқариш жараёнида юзага келадиган молиявий муносабатлардир.
Татқиқот объекти сифатида Ўзбекистан Республикасида фаолият кўрсатаётган тижорат банклари молиявий ҳисоботларидан фойдаланилди.
Ишнинг мақсади сифатида тижорат банклари фаолиятида рентабелликни баҳолаш ва уни такомиллаштириш борасидаги муаммоларни аниқлаш ва уларни ҳал қилиш юзасидан назарий ва амалий таклифларни ишлаб чиқишдан иборатдир.
Ушбу мақсаддан келиб чиқиб битирув малакавий ишида қуйидаги вазифалар белгиланди:

• 
  тижорат банкларида рентабелликни баҳолашнинг услубларини ўрганиш;
  
• 
  тахлил асосида банк активлар рентабеллик кўрсаткичларини аниқлаш;
  
• 
  тижорат банклари фаолиятида рентабеллик кўрсаткичларини ошириш билан боғлиқ муаммоларнинг ечимини ва бошқариш усулларини такомиллаштириш йўлларини ишлаб чиқиш.
  

Мавзунинг назарий - амалий аҳамияти. Битирув малакавий ишнинг назарий аҳамияти ишлаб чиқилган таклиф ва тавсиялардан мамлакат банк тизимининг барқарорлигини таъминлашга бағишланган илмий-тадқиқот ишларини амалга оширишда фойдаланишнинг мумкинлиги билан белгиланади. Натижаларнинг амалий аҳамияти шундаки, улардан республикамиз тижорат банкларининг рентабеллигини бошқариш амалиётини такомиллаштиришга қаратилган чора-тадбирларни ишлаб чиқишда фойдаланиш мумкин.
Битирув малакавий ишининг таркибини қисқача тавсифи. Битирув малакавий иш таркибан кириш, уч боб, хулоса ва фойдаланилган адабиётлардан иборат.
Ишнинг биринчи бобида тижорат банклари фаолиятида рентабелликни баҳолашнинг назарий асослари ёритилган.
Ишнинг иккинчи бобида Ўзбекистон Республикаси тижорат банкларининг рентабеллигини баҳолашнинг амалий ҳолатига баҳо берилган ва мавжуд тенденциялар аниқланган.
Ишнинг учинчи бобида иқтисодиётнинг модернизациялашуви шароитида тижорат банкларининг рентабеллигини ошириш ва уни бошқаришни такомиллаштириш билан боғлиқ бўлган муаммолар аниқланган ва уларни ҳал қилишга қаратилган илмий таклифлар ва амалий тавсиялар ишлаб чиқилган.
Битирув малакавий ишнинг хулоса қисмида шакллантирилган хулосалар ҳамда ишлаб чиқилган таклифлар ва тавсияларнинг қисқача мазмуни ўз ифодасини топган.
Ишнинг ҳажми 69 бет бўлиб, унда 8 та жадвал ва 9 та расмдан иборат.