Tibbiyot instituti talabalari uchun

102-rasm. Mushaklarni qo’zg’alish nuqtalari. (Zsako S. bo’yicha) 
Masalan, nursimon suyakning tirsak suyagidan 4-5 sm pastda joylashgan 
nuqtasiga urilganda suyakning yozilishiga olib kelsa, panjalarning orqa tomoni va 
panjalar orasiga urilganda esa tegishli ko’l barmoqlarining bir-biriga yaqinlashuvi 
kuzatiladi. Sonning pastki qismini oldingi yuzasiga urilganda esa to’rt boshli 
mushakning qisqarishi kuragining ichki qirrasiga urilganda uning umurtqa 
pog’onasiga yaqinlashuvi ko’rinadi. Bir necha nuqtada mushaklarning javob 
reaktsiyasi o’lim sodir bo’lgan vaqtdan 1,5 soatgacha vaqt o’tganligidan darak 
beradi. O’lgandan so’ng 2-2,5 soat vaqt o’tgach, ko’rsatilgan mushaklarning 
qisqarishi batamom to’xtaydi (9 jadval).