Thesis · April 2020 doi: 10. 13140/RG

 ЗАМОНАВИЙ УЗЛУКСИЗ ТАЪЛИМ СИФАТИНИ ОШИРИШ: ИННОВАЦИЯ ВА ИСТИҚБОЛЛАР
 
593 
ХАЛҚАРО МИҚЁСИДАГИ ИЛМИЙ-АМАЛИЙ КОНФЕРЕНЦИЯ МАТЕРИАЛЛАРИ
UZLUKSIZ TA’LIM TIZIMIDA BO’LAJAK TEMIR YO’L XODIMLARIDA 
KASBIY KOMPETENTLIKNI SHAKLLANTIRISHNING AYRIM METODOLOGIK 
ASOSLARI 
Kurbanova M.D. – magistrant, TDPU, O’zbekiston. 
Annotatsiya.
Mazkur maqolada uzluksiz ta’lim tizimida yetuk kadrlar tayyorlash 
muammosi, kompetentlik tushunchasi, bo’lajak temir yo’l xodimlarining kasbiy kompetentligini 
shakllantirishning mazmun-mohiyati, kasbiy kompetentlikning tarkibiy tuzilmasi yoritib berilgan.
Tayanch so’zlar:
kompetentlik, kasbiy kompetentlik, uzluksiz ta’lim, kasbiy tayyorgarlik. 
Аннотация.
В 
данной 
статье 
описывается 
проблема 
подготовки 
квалифицированных кадров в системе непрерывного образования, понятие компетенции, 
сущность формирования профессиональной компетентности будущих железнодорожников, а 
также структура их профессиональной компетентности. 
Ключевые слова:
компетентность, профессиональная компетентность, непрерывное 
образование, профессиональная готовность. 
Annotation. 
This article describes the problem of training qualified personnel in the 
continuing education system, the concept of competence, the essence of the formation of 
professional competence of future railway workers, as well as the structure of their professional 
competence. 
Key words:
competence, professional competence, continuing education, professional 
readiness. 
Respublikamizda mustaqillik yillarida kadrlar tayyorlashning yangi tizimi yaratilib, 
mutaxassislar sifatiga qo’yiladigan zamonaviy talablarga javob beradigan yuqori malakali, 
raqobatbardosh, tanlagan ta’lim yo’nalishi bo’yicha mustaqil ishlay oladigan, mamlakatning ilmiy-
texnik, ijtimoiy-iqtisodiy va madaniy rivojlanishiga munosib hissa qo’shishga qodir, jadal 
ilgarilayotgan ijtimoiy-iqtisodiy taraqqiyot sharoitiga moslasha oladigan, yuksak madaniy va 
ma’naviy-ahloqiy sifatlarga ega bo’lgan mutaxassislar tayyorlash izchil amalga oshirilmoqda.
Zotan, muhtaram Prezidentimiz ta’kidlaganidek: “O‘zbekistonni rivojlangan mamlakatga 
aylantirishni maqsad qilib qo‘ygan ekanmiz, bunga faqat jadal islohotlar, ilm-ma’rifat va 
innovatsiya bilan erisha olamiz. Buning uchun avvalambor, tashabbuskor islohotchi bo‘lib 
maydonga chiqadigan, strategik fikr yuritadigan, bilimli va malakali yangi avlod kadrlarini 
tarbiyalashimiz zarur. Shuning uchun ham bog‘chadan boshlab oliy o‘quv yurtigacha – ta’limning 
barcha bo‘g‘inlarini isloh qilish boshlandi. Nafaqat yoshlar, balki butun jamiyatimiz a’zolarining 
bilimi, saviyasini oshirish uchun avvalo ilm-ma’rifat, yuksak ma’naviyat kerak. Ilm yo‘q joyda 
qoloqlik, jaholat va albatta, to‘g‘ri yo‘ldan adashish bo‘ladi. Sharq donishmandlari aytganidek, 
“Eng katta boylik – bu aql-zakovat va ilm, eng katta meros – bu yaxshi tarbiya, eng katta 
qashshoqlik – bu bilimsizlikdir”! 
O’zbekiston Respublikasini yanada rivojlantirish bo’yicha Harakatlar strategiyasiga 
muvofiq “Uzluksiz ta’lim tizimini yanada takomillashtirish, sifatli ta’lim xizmatlari imkoniyatlarini 
oshirish, mehnat bozorining zamoniy ehtiyojlariga muvofiq yuqori malakali kadrlar tayyorlash 
siyosatini davom ettirish” [1] bugungi kunda muhim vazifalar hisoblanadi.
Temir yo’l transporti mavjud bo’lgandan beri va faoliyati davomida O'zbekiston 
iqtisodiyotining boshqa tarmoqlari bilan yaqindan hamkorlik qiladi. Uning asosiy vazifalaridan biri 
iqtisodiyot ehtiyojlarini qondirish uchun o'z vaqtida yuk va yo'lovchi tashishni ta'minlash 
hisoblanadi. Bu boradagi ishlar turli ko’rinishlarda amalga oshirilmoqda va O'zbekiston 
Respublikasi temir yo'l tarmog'ini o'tkazish va tashish imkoniyatlarini maksimal xavfsizligini 
ta'minlashga qaratilgan. Har qanday mehnat faoliyatida bo’lgani kabi temir yo’l sohasida ham 
professional ta’lim va kasbiy yetuklik masalasi dolzarb masalalaridan biri hisoblanadi. Jamiyatning 

---