Tezkor-qidiruv faoliyati to‘G‘risida

tomonidan ko‘rib chiqilishi tartibi
Turar joy daxlsizligi, yozishmalar, telefon orqali so‘zlashuvlar va boshqa so‘zlashuvlar, aloqa
tarmoqlari orqali uzatiladigan pochta, kuryerlik jo‘natmalari va telegraf xabarlari sir saqlanishi
huquqlarini cheklovchi, shuningdek abonentlar yoki abonent qurilmalari o‘rtasidagi bog‘lanishlar
to‘g‘risida axborot hamda bank sirini tashkil etuvchi ma’lumotlarni olishga qaratilgan tezkor-qidiruv
tadbirlarini o‘tkazish to‘g‘risidagi materiallarni ko‘rib chiqish tezkor-qidiruv faoliyatini amalga
oshiruvchi va bunday tadbirlarni o‘tkazish haqida iltimosnoma bilan murojaat qilgan organ
joylashgan yerdagi prokuror tomonidan amalga oshiriladi. Alohida hollarda, bunday tadbirlarni
o‘tkazish haqidagi materiallarning tadbirlar o‘tkazilayotgan joydagi prokuror tomonidan ko‘rib
chiqilishiga yo‘l qo‘yiladi.
Tezkor-qidiruv faoliyatini amalga oshiruvchi organ rahbari tomonidan tasdiqlangan qaror
ushbu moddaning 
birinchi qismida
ko‘rsatilgan tezkor-qidiruv tadbirlarini o‘tkazish zarurligi
asoslantirilgan holda prokurorga taqdim etiladi. Prokuror tezkor-qidiruv tadbirlarini o‘tkazish uchun
asos bo‘lib xizmat qilgan boshqa materiallarni ham talab qilishga haqli.
Prokuror taqdim etilgan materiallarni ko‘rib chiqish natijalari bo‘yicha tegishli tezkor-qidiruv
tadbirini o‘tkazishga sanksiya beradi yoxud uni o‘tkazishni asoslantirilgan holda rad etib, qarorda
bu haqda ko‘rsatib o‘tadi. Prokuror tezkor-qidiruv tadbiri o‘tkazilishiga sanksiya berishni rad etgan
taqdirda, tezkor-qidiruv faoliyatini amalga oshiruvchi organ yuqori turuvchi prokurorga bunday
qaror ustidan shikoyat qilishga haqli.

---