Texnologiya ta’limi praktikumi fanidan o’quv uslubiy majmua

Tayyorlanadigan buyumlar: Yumaloq arrali dastgohni yurgizish va to’xtatish. Arra tishini tekshirish. Mahsulotni (zagotovka) uzatishda qo’l harakatini o’rganish. Tilinadigan taxtani dastgoh yo’naltiruvchi chizig`iga siqish va stol boylab yog`och tirgak bilan siljitib (surib) tilish.
Mustaqil ta’lim uchun topshiriqlar: Mehanik ishlov berishda ishlatiladigan nazorat o’lchov asboblarini texnik ma’lumotlari haqida. Hozirgi zamonda yog’ochga mehanik ishlov berish usullari. Yog’ochga mehanik ishlov beruvchi dastgohlarni ish usullari va buyum tayyorlash texnologiyasi. Qishloq xo’jaligida yog’ochga mehanik ishlov berish ahamiyati. Yog’ochga mehanik ishlov berish sohasidagi xalq xunarmandchiligi kasblari haqida referat tayyorlash.
YOG’OCH ISHLASH STANOKLARI
Uquv ustaxonalarida o’quvchilar qo’l mehnatini yengillashtiradigan yoki qo’l mehnatidan ozod qiladigan, kam vaqt, oz mehnat va mablag’ sarflab ko’plab mahsulot ishlab chiqarish, mahsulot tannarxini arzonlashtirish imkonini beradigan yog’och ishlash stanoklarining turlari, tuzilishi, vazifasi, ularni ishga sozlash, ish vaqtida rioya qilinadigan xavfsizlik texnikasi qoidalari bilan ham tanishtiriladi va bu stanoklar bilan amaliy mashg’ulotlar o’tkazilib, ularda stanoklarni boshqarish va ishlash bo’yicha mehnat malakalari xosil qilinadi.
Duradgorlik o’quv ustaxonalarida yog’och ishlash tokarlik, arra­lash, randalash, frezalash, parmalash, o’yuvchi va boshqa turdagi yog’och ishlash staioklari o’rnatiladi.
Yog’och ishlash stanoklari o’quv ustaxonalarining sahni va xonalarning soniga qarab, xavfsizlik texnikasi qoidalariga amal qilgan holda, turlicha joylashtiriladi
Stanoklarda ishlash vaqtida rioya qilinadigan umumiy xavfsizlik texnikasi qoidalari:
1. Ish boshlashdan oldin stanokning ishga yaroqliligini, uning mexanizmlarini qo’l bilan harakatlantirib, so’ngra salt yurgizib ko’zdan kechirib olish kerak.
2. Stanokdagi ihota vositalarining yetarligi va ularni yaxshi o’rganilganligini tekshirib olish kerak. Stanokning yoki mexanizmlarning yaroqsizligi, ihota vositalarining yo’qligi va puxta o’rnatilmaganligi sezilsa, ishga tushmasdan bu haqda o’qituvchiga yoki ustaga murojaat qilish kerak.
3. Hech qachon usta yoki o’qituvchisiz mustaqil ravishda stanokni yoki uning mexanizmlarini tuzatishga harakat qilmaslik kerak.
4. Stanok yonidan ketishda, elektr energiyasi bo’lmay qolganda yoki zarur hollarda albatta stanok to’xtatilishi kerak.
5. Ishdan so’ng stanokni to’xtatib, tozalab, artib, asbob va moslamalarni yig’ishtirib qo’yish kerak.
6. Stanok ishlab turgan vaqtida unga qarov berish, tozalash, moylash, unga suyanish, o’lchov olish, stanokni qo’l bilan to’xtatish qat’iy man qilinadi.
7. Stanokning metall qismlariga qo’l tekkan vaqtda tok ursa darhol stanokni to’xtatib, buni o’qituvchi yoki ustaga aytish kerak.